Jokoteknia 2020 asteazkenean Bilbon aurkeztuko dugu

Erredakzioa | 2020/11/09 11:00 Ekitaldiak



Game Erauntsiak Azkue Fundazio eta Bizkaiako Foru Aldundiarekin batera Jokoteknia jardunaldien hirugarren edizioa aurkeztuko dugu. Agerpena Bilbon izango da, Euskararen Etxean 10:30etan eta hainbat hedabide gonbidatu ditugu ekitaldira. Game Erauntsiak sare sozialetan zuzenean zabalduko du aurkezpena eta ondoren honen laburpena argitaratuko dugu gure blogean.

Honakoak bilduko gara asteazkenean: Lorea Bilbao Bizkaiko Foru Aldundiko Euskara, Kultura eta Kirol diputatua, Xabier Arauzo Bizkaiko Foru Aldundiko Euskara zuzendari nagusia, Iurdana Acasuso Azkue Fundazioaren zuzendaria eta Maitane Junguitu Game Erauntsiko kidea eta komunikazio arduraduna.

Jokotekniaren hirugarren edizioa azaroaren 28an ospatuko da, 9:45etatik 14:00etara. Aurrekoak 2018ko maiatzan eta 2019ko urrian ospatu ziren. Aurten koronabirusak sortutako egoerara egokitutako ekitaldia izango da. Baldintza hauek aurkezpenean azalduko ditugu eta Jokoteknia jarraitzeko argibideak azalduko ditugu.

Jardunaldiaren xedea gure industriaren diagnostiko bat egitea da eta hemengo bideo-joko garatzaile eta jokalarien joerak ezagutzea. Kanpotik etorritako gonbidatu bereziak ere izango dira, jardunaldiari beste ikuspegi bat emateko asmoz.

Game Erauntsia facebook


Iruzkinak

Mesedez, sartu iruzkina utzi ahal izateko.

185
Kide

2
Jolasten

11
Online

Azken erantzunak

Jon7 EUSKALDUNA Nov. 9, 2020, 8:55 p.m.

jo ba doakoa da azkenean, epic ean behintzat. Oso txukuna nere ustez, modu desberdinak dauzka baina betiko erlojuaren aurkakoan, zure probintziako ra…
Trackmania berria uztailaren 1ean argitaratuko du…

Iker Ibarguren May 22, 2020, 2:16 p.m.

Puuuuuuufffffa! zenbat gozatu (eta sufritu!!) nuen joko honekin.... Artikulu bikaina Lander!!
Lordraneko erreinutik galduta - Dark Souls gogora…

Lander Unzueta April 25, 2020, 2:21 p.m.

Ez dute preziorik aipatu, beraz ez dut uste doakoa izango denik jatorrizko jokoa free to play bezala kaleratu zuten arren...
Trackmania berria uztailaren 1ean argitaratuko du…