Nortzuk gara

Game Erauntsia egitasmo bezala 2014. urtean sortu zen euskarazko bideojokoen kopuru eta hauei lotutako edukien eskaintza urriari aurre egiteko. Horregatik hasieratik oinarrizko helburua bideojokoak eta euskara uztartzea izan da. Egitasmoa elkarte ofizial bihurtu zen 2016.urtean eta helburua lortzeko bi bide nagusi finkatu ditugu:

Euskara eta bideojokoak lotzen dituzten ekintza orotarikoak bideratzea: gamer gelak, tailerrak, txapelketak, hitzaldiak...
Bideojokozale euskaldunak elkartzeko espazioak sortzea.

Hainbat urtez elkarteak beste instituzio eta agenteekin elkarlanak burutu ditu bere helburuak lortzeko: Asmoz Fundazioa, Azkue Fundazioa, Durangoko Azoka, EDE Fundazioa, Euskaltzeen Topagunea, Mondragon Unibertsitatea, Tabakalera Kultura Garaikidearen Nazioarteko Zentroaren 2DEO Ikus-entzunezko laborategia… eta beste hainbat instituzioen ekintzetan parte hartu du.

Elkarteak bere helburuak burutzen laguntzeko 2020.urtetik Eusko Jaurlaritzaren Hizkuntza Politikarako Sailburuordetzaren babesa jasotzen du. Horretaz gain, Euskara Aholku Batzordearen IKT sailean aholkularitza lana egin du.

Honako topaleku birtualak martxan jarri ditu Game Erauntsia Elkarteak:

Telegram taldea: bideojokoei buruz hitz egiteko eta zalantzak eta esperientziak partekatzeko.
Discord zerbitzaria: online jokatzeko testu eta ahots zerbitzaria.