Amazon Gamesek maiatzaren 20an kaleratuko du Crucible doako shooterra

Lander Unzueta | 2020/05/11 11:00 Berriak



“Jokalariak hartzen dituen erabakien arabera aldatzen doan doako taldekako shooterra” izango dela nabarmendu dute garatzaileek.

Amazon Games Studio 2016an iragarri zuten arren oraindik ez dugu bere bideojokorik jokatzeko aukerarik izan. Hori maiatzaren 20an aldatuko da, Crucible shooterra PCan estreinatuko den egunean, hain zuzen ere.

Taldekako shooterra hirugarren pertsonan jokatuko da, hau da, kamera jokalariaren pertsonaiaren atzean kokatuko da. Jokalariek 10 hunter edo ehiztariren artean aukeratuko dute; bakoitzak bere ahalmen eta ezaugarriak edukita, hero shooterra izango da Crucible.

Partidak taldekakoak izango dira, eta hiru joko mota nagusitan banatuko dituzte. Heart of Hives izenekoan lau jokalariz osatutako bi taldeak mapa erraldoietan sakabanatuta dauden erlauntzak suntsitzeko lanean ariko dira Horien barnean dauden bihotzak eskuratzea izango da jokoaren helburua.

Harvester Command joko motan zortzi pertsonako bi talde egongo dira. Bertako helburua mapako hainbat eremu kontrolatzea izango da. Azkenik, Alpha Huntersen jokalari eta talde kopuru berdinak deathmatch batean parte hartuko dute.

Crucibleren garapenean Amazoneko Relentless Games taldea ari da lanean. 2016ko TwitchConean iragarri zuen Jeff Bezosen enpresak, bertan behera utzitako Breakaway eta abuztuan estreinatuko den New Worlds MMOarekin batera.

Doako shooter berri hau Steam plataforma digitalean eskuratu ahalko da.

Game Erauntsia facebook


Iruzkinak

Mesedez, sartu iruzkina utzi ahal izateko.

181
Kide

3
Jolasten

46
Online

Azken erantzunak

Iker Ibarguren May 22, 2020, 2:16 p.m.

Puuuuuuufffffa! zenbat gozatu (eta sufritu!!) nuen joko honekin.... Artikulu bikaina Lander!!
Lordraneko erreinutik galduta - Dark Souls gogora…

Lander Unzueta April 25, 2020, 2:21 p.m.

Ez dute preziorik aipatu, beraz ez dut uste doakoa izango denik jatorrizko jokoa free to play bezala kaleratu zuten arren...
Trackmania berria uztailaren 1ean argitaratuko du…

Erredakzioa April 4, 2020, 8:33 p.m.

Kaixo, zaila da plataforma guztientzat zerbait egitea. Txapelketa hau egiteko play station proposatu genuen, ustez FIFA20 salmenta gehiena plataforma…
Game Erauntsiak eta Gu ere Baik FIFA20 Euskal Lig…