ARK: Survival Evolved, Snake Pass eta Hitman Absolution dira asteko doako jokoak

Asteburua genero guztietako opariz beteta dator. Rainbow Six Siege plataforma guztietan jokatzeko prest egongo da doan igandera arte.

Belaunaldi berriko lehen lilurak ikusten hasi bagara ere, oraingo belaunaldiak oraindik zer esan eta jokatu dauka. Altxor berriak ezagutzeko bide ezin hobea (eta doakoa) dira hainbat saltoki eta garatzailek egiten dituzten eskaintza bereziak.

Hemen duzu aste honetako doako joko eta beherapen interesgarrienen zerrenda:

Betirako gordetzeko doako bideojokoak:

• PC:
  • ARK: Survival Evolved. Epic Game Storean eskuratu ekainaren 18 baino lehen liburutegira gehituta.
  • Hitman Absolution. Igandera arte GOGen aktibatu daiteke.
  • Samurai Shodown NeoGeo Collection. Ekainaren 18ra arte doan eskuratu ahalko da SNKren borroka jokoen bilduma.
  • Snake Pass. Humble Bundle Steamerako kodea oparitzen ari da; igandera arte ireki dute jokoa eskuratzeko epea.
  • Kao the Kangaroo: Round 2. Steam bidez gehitu eta betirako gorde. Ekainaren 15aren aurretik egin beharra dago.

Aldi baterako doan jokatzeko bideojokoak:

• PC:
  • Rainbow Six Siege. Uplay bidez jaitsi eta ekainaren 15era arte doan jokatu.

• Xbox One:
  • Rainbow Six Siege. Ekainaren 15era arte doan jokatzeko aukera dago.
  • Dead by Daylight. Free Play Days ekimenera gehitu du Microsoftek. Ekainaren 15era arte joka daiteke.
  • Soul Calibur VI. Berriz ere, ekainaren 15a arte jokatu ahalko da Bandai Namcoren borroka jokora Free Play Daysen eskutik.

• Playstation 4:
  • Rainbow Six Siege. Ubisoften shooterra ekainaren 15era arte doan joka daiteke.

Harpidetza zerbitzuen barnean ekainean egongo diren doako joko eta gehigarriak:

• Playstation 4 (PS Plus):
  • Star Wars: Battlefront II.
  • Call of Duty: WWII.
  • Treasure Rangers.

• Xbox One (Xbox Live Gold):
  • Destroy All Humans! Path of the Furon.
  • Sine Mora.
  • Shantae and the Pirate’s Curse.
  • Coffee Talk.

Beherapen eta eskaintza interesgarriak:

• PC:
  • Bundle for Racial Justice and Equality: Itch.io webguneak 1.000 joko baino gehiago batu ditu arrazakeriaren aurka egiteko sortutako bilduma honetan. Zuk erabaki zenbat diru jarri nahi duzun. Gutxieneko 5 dolarrak ordainduta jokoak eskuratu ahalko dituzu; batzen duten dirua NAACP Legal Defense and Educational Fund eta Community Bail Fund erakundeetara bideratuko dute. Ekainaren 16an bukatutzat emango dute.
  • Resident Evil sagaren beherapenak Steamen: Capcomen beldurrezko sagaren joko berri zein zaharrak prezio interesgarriarekin.

• Nintendo Switch:
  • Digital Days Sale. Nintendok bere e-shopeko 350 bideojoko ingururen beherapenak batu ditu. The Witcher 3 Complete Edition, Dragon Ball FighterZ, Ori and the Blind Forest edota Spyro Reignited Trilogy bezalako jokoen eskaintza bereziak daude ekainaren 14a arte.