Civilization VI, 10 Second Ninja X edota New York Crimes dira aste honetako doako jokoak

Beherapen interesgarrien artean, Humble Bundlek Bandai Namcoren bideojokoen bilduma osatu du.

Asteburua iritsita, ohi bezala garatzaileek eta enpresek doako bideojoko interesgarriak jarri dituzte eskuragarri plataforma desberdinentzat. Hemen doa egun hauetarako produktu interesgarrienen zerrenda.

Betirako gordetzeko doako bideojokoak:

• PC:
  • Sid Meier’s Civilization VI. Epic Game Storerako doan, maiatzaren 28a baino lehen liburutegira gehituz gero.
  • 10 Second Ninja X. Steamerako doan, maiatzaren 28a baino lehen liburutegira gehituta.
  • New York Crimes. FX Interactiven launcherrerako doan dago. Maiatzaren 28aren aurretik jaitsi behar da.
  • Showdown Bandit. Steamerako, ekainaren 1a baino lehen gehituz gero.

Aldi baterako doan jokatzeko bideojokoak:

• PC:
  • DayZ. Igandera arte ordaindu gabe jokatu daiteke Steam bidez.
• Playstation 4:
  • Final Fantasy XIV Online Starter Edition. Playstation Networketik aktibatuta maiatzaren 26ra arte doan jokatu daiteke Square Enixen MMORPGra.

Harpidetza zerbitzuen barneko doako joko eta gehigarriak:

• Playstation 4 (PS Plus):
  • Cities Skylines. Hirien gestio jokoa PS Plus zerbitzuaren barne dago maiatzean. Gainera Green Cities,  Pearls From The East eta Carols, Candles and Candy DLCak doan daude.
  • Farming Simulator 19. PS Plus zerbitzuaren barne maiatzean.
  • Treasure Rangers. PS Plus zerbitzuaren barne maiatzean.
• Xbox One (Xbox Live Gold):
  • V-Rally 4. Rallie jokora Xbox Live Gold zerbitzuarekin jokatu daiteke maiatzean.
  • Warhammer 40.000: Inquisitor – Martyr. Warhamerren etorkizuneko sagan oinarritutako akziozko jokoa ere maiatzean jokatu ahal dute Goldeko harpidedunek.

Beherapen eta eskaintza interesgarriak:

• PC:
  • Humble Bandai Namco Bundle 4. Humble Bundle eta Bandai Namco laugarrenez batu dira enpresa japoniarraren bidejokoen bilduma osatzeko. Ohi bezala, ordaindutakoaren arabera joko gehiago eramango dituzu: oraingoan lau maila daude. Eskuratu daitezkeen jokoen artean Tekken 7, Tales of Berseria, Katamari Damacy Reroll edota Enslaved: Oddyssey to the West dira nabarmentzekoak. Jokoak Steamen aktibatzen dira.
  • Deus Ex Collection. Square Enixen bideojoko saga onenetarikoaren bilduma, 10,60 eurotara.