Control hodei bidezko jokoarekin estreinatu da Nintendo Switchean

Lander Unzueta | 2020/11/16 11:00 Berriak



Doako demoarekin argitaratu da froga egin nahi dutenentzat. Hitman 3 modu berean estreinatuko da 2021ean.

Ustekabean emandako azken Nintendo Direct Miniak espero gabeko hainbat bideojoko iragartzeko balio izan du. Horien artean Nintendo Switchari teknikoki handi geratzen zaizkion jokoak egon dira: Remedy Entertainmenten Control laino bidezko jokoa erabilita jokatuko da kontsola hibridoan.

Laino bidezko jokoak Interneteko konexio egonkor eta azkarra beharrezkoa du. Jokoa ez da kontsolan exekutatuko, streaming bidez egingo baita prozesu guztia. Arduradunek azaltzen dutenez, “konexioa egonkorra ez baldin baduzu zerbitzua deskonektatu egingo da”.

Remedyren akziozko jokoa erosi gabe streamingaren nondik norakoak ikusi nahi dituztenek doako frogarekin egiteko aukera dute. eShopetik jaitsi daiteke demoa.

Control Ultimate Edition: Cloud Version iragartzearekin batera argitaratu zen; jokatzeko prest dago. Bertsio horrek DLC guztiak dakartza.

Hitman ere lainotik

Remedyrena ez da izango laino bidez jokatuko den Switcheko obra bakarra. Datorren urtean estreinatuko den Hitman 3 Cloud Versionek modu berean funtzionatuko du.

Hitman saga Nintendoren kontsola batera iritsiko den lehen aldia izango da. 47 agentearen abenturan kokaleku erraldoietan zehar hainbat misio bete beharko dira.

Controlekin aipatutako baldintza berberak edukiko ditu IO Interactiven jokoak: Interneteko konexio egonkor eta azkarra ezinbestekoak izango dira modu egokian jokatzeko.

Switcheko bertsioak ez du argitaratze zehatzik jaso. PC, PS5, PS4, Xbox Series eta Xbox Oneko bertsioak, baina, urtarrilaren 20an argitaratuko dira.

Game Erauntsia facebook


Iruzkinak

Mesedez, sartu iruzkina utzi ahal izateko.

185
Kide

2
Jolasten

11
Online

Azken erantzunak

Jon7 EUSKALDUNA Nov. 9, 2020, 8:55 p.m.

jo ba doakoa da azkenean, epic ean behintzat. Oso txukuna nere ustez, modu desberdinak dauzka baina betiko erlojuaren aurkakoan, zure probintziako ra…
Trackmania berria uztailaren 1ean argitaratuko du…

Iker Ibarguren May 22, 2020, 2:16 p.m.

Puuuuuuufffffa! zenbat gozatu (eta sufritu!!) nuen joko honekin.... Artikulu bikaina Lander!!
Lordraneko erreinutik galduta - Dark Souls gogora…

Lander Unzueta April 25, 2020, 2:21 p.m.

Ez dute preziorik aipatu, beraz ez dut uste doakoa izango denik jatorrizko jokoa free to play bezala kaleratu zuten arren...
Trackmania berria uztailaren 1ean argitaratuko du…