"Cross-play”: Plataformen arteko su gurutzatua

Iban Lantxo | 2016/04/09 16:30 BerriakArtikuluakEztabaida



Sistema ezberdinen arteko joko gurutzatua (“cross-platform play” deritzona) bolo-bolo dabil gamer komunitateetan azken boladan. Funtsean, sistema hau plataforma ezberdinen arteko bideojoko berberaren partida gurutzatuan onartzean datza. Egun, gutxi batzuek onartzen dute jada aukera hori (Street Fighter V, Rocket League eta Killer Instinct, esaterako), eta inoiz ez bertsio guztien artean (PS4 edo Xbox One ordenagailuarekin, baina ez beraien artean). Alabaina, Microsoftek nahiko luke Sonyren makinarekin konektatuta egotea, eta bide horretatik jarraitzeko “prest eta zain” dagoela adierazi du behin baino gehiagotan, orain arte japoniarrek txintik esan ez duten arren.

Honen harira, Game Erauntsiaren Telegram taldean eztabaida interesgarri bat jazo zen atzo. Izan ere, jokatzeko modu hau normalizatuko balitz, bidezkoa litzateke agintea (“gamepad”a) erabiltzen dutenek teklatua eta sagua erabiltzen dutenen kontra aritzea? Jakina da bi estilo oso ezberdinak direla, eta borroka edo kirol jokoetan arazo handiegia ez izanagatik (azken batean, hauetan mundu guztiak erabiltzen ditu aginteak), tiro jokoetan ezin behartu PC jokalari bati palankekin jokatzera.

Kide batzuek partidak erabilitako gailuen arabera mugatzearen alde agertu ziren. Beste batzuek agintea erabiltzen dutenei abantailaren bat eman beharko lieketela zioten (auto-apuntea, kasu); edota zuzenean gamepadarekin jokatzera behartu. Nolanahi ere, argi dagoena zera da: joko gurutzatuak gurean geratu eta tendentzia izateko aukera dezente duela, eta enpresek honetatik probetxua ateratzeko egoerara egokitzen asmatu beharko dutela.

Game Erauntsia facebook


Iruzkinak (1)

Xabier Calvo April 20, 2016, 11:48 p.m.

Microsoft-ek PS4-aren arrakastaren aurrean, atzean ez gelditzeko jokaldia dirudi... Gehiago saldu izan balu, ziur ez luketela nahi izango joko gurutzatua bultzatzea...

Mesedez, sartu iruzkina utzi ahal izateko.

165
Kide

0
Jolasten

11
Online

Azken erantzunak

Urdinberde Feb. 10, 2019, 7:47 p.m.

eta astirik baduzue hyrule warriors, tingles rupee land, tingles baloon trip of love, links crossbow training eta navi trckers. Eta batenbat ahaztu…
Zeldaren kondaira euskaratu dugu

Urdinberde Feb. 10, 2019, 7:41 p.m.

oso ona, orain itzuli zelda 2: links advesnture, zelda a link to the past, zelda link awekenin, zelda orocle ages eta season, zelda: ocarina of time,…
Zeldaren kondaira euskaratu dugu

Igor Okina Feb. 3, 2019, 2:58 p.m.

Estrategia zale bezala, esan biharra daukat zerrenda horretako ia bat be ez jatela interesatzen (akaso Cyberpunk 2077, baña ez dot uste 2019 irtengo …
Onena etortzear dago: eta 2019an zer?

Iker Ibarguren Jan. 25, 2019, 9:08 a.m.

demoa probatu nuen aurrekoan eta urteetan atzera egin nuen... lehen aldiz joko hau bera jokatu nuen unera... a zer ohiuak!! ;)))))))
[AURRERAPENA] Resident Evil 2

Urtzi Odriozola Sept. 30, 2018, 11:09 p.m.

Kaixo!! Pozten gara!! Lanean jarraitzeko indarrak ematen dizkigu honelako erantzunak ikusteak! Mila esker!
'Wonder Boy': klasiko baten gaurkotze arrakastats…