Crusader Kings III irailaren 1ean iritsiko da PCra

Lander Unzueta | 2020/05/20 18:00 Berriak



Paradox Interactiven estrategia joko arrakastatsuaren hirugarren atala Steamen, Paradox Storen eta Microsoft Storen argitaratuko dute.

Iaz iragarritako Crusader Kings III-k argitaratze data jaso du. Irailaren 1ean PCko jokalariek Erdi Aroko inperioa osatu ahalko dute Paradox Interactive garatzen ari den estrategia joko berrian.

Islandiatik Indiara eta zirkulu polarretik Afrikara arte zabalduko den mapa eskuetan hartuta, jokalariak errege etxe edo familia noble bat aukeratu beharko du. Norbere etxea historian gidatu eta hedatzea izango da jokalarien helburua diplomazia, armadak eta beste hainbat bide erabilita.

Crusader Kings III bi edizio desberdinetan argitaratuko dela iragarri dute arduradunek. Edizio normalak oinarrizko jokoa eta Germaniako Erromatar Inperio Santuko jantziak batuko ditu. Royal Edition deitutakoak aipatutako edukiei Expansion Passa gehituko die. Paradoxek ez ditu zehaztu espansioekin gaineratuko dituzten eduki guztiak.

Estrategia jokoa Steamen, Paradox Storen eta Microsoft Storen argitaratuko dutela azaldu dute garatzaileek. Ez hori bakarrik, PCko Xbox Game Pass zerbitzuan ere egongo da irailaren 1etik aurrera.

 

Game Erauntsia facebook


Iruzkinak

Mesedez, sartu iruzkina utzi ahal izateko.

179
Kide

1
Jolasten

21
Online

Azken erantzunak

Iker Ibarguren May 22, 2020, 2:16 p.m.

Puuuuuuufffffa! zenbat gozatu (eta sufritu!!) nuen joko honekin.... Artikulu bikaina Lander!!
Lordraneko erreinutik galduta - Dark Souls gogora…

Lander Unzueta April 25, 2020, 2:21 p.m.

Ez dute preziorik aipatu, beraz ez dut uste doakoa izango denik jatorrizko jokoa free to play bezala kaleratu zuten arren...
Trackmania berria uztailaren 1ean argitaratuko du…

Erredakzioa April 4, 2020, 8:33 p.m.

Kaixo, zaila da plataforma guztientzat zerbait egitea. Txapelketa hau egiteko play station proposatu genuen, ustez FIFA20 salmenta gehiena plataforma…
Game Erauntsiak eta Gu ere Baik FIFA20 Euskal Lig…