Cyberpunk 2077ren aurkezpen digitalaren bigarren atala emitituko dute gaur

Lander Unzueta | 2020/08/10 11:00 Berriak



CD Projekt Redek jokalariek hartu ahalko dituzten erabakien ondorioak azaldu eta erabiltzeko egongo diren arma motak zehaztuko ditu.

Cyberpunk 2077 azarora atzeratu dute, baina uda bideojokoari buruzko berritasunak azaltzeko aprobetxatzea erabaki du CD Projekt Red garatzaile poloniarrak. Hori aurkezpen digital txikien bidez gauzatzen ari dira, eta bigarren atala gaur bertan ikusiko dugu.

Txio batean adierazi dutenez, Night City Wire 2 ekimena 18:00etan hasiko da garatzailearen Twitch kanalean. Aurkezpenean jokalariek har ditzaketen erabakien inguruan ariko dira, horiek ekar dezaketen ondorioak nabarmenduta.

Ez hori bakarrik, erabili ahalko diren armategia ikusiko dugu, Cyberpunken egongo diren arma mota desberdinak zehaztuko baitituzte. Gainera, Refused musika talde poloniarrak bideojokoan murgiltzeko egindako aldaketak ere aipatuko dituzte: Night Cityn Samurai izeneko taldea izango dira.

Lehenengo Night City Wire aurkezpenean Braindance izeneko ezaugarria nabarmendu zuten garatzaileek. Bideojokoaz gain Netflixek ekoiztutako animea egongo dela jakin genuen gainera. Cyberpunk: Edgerunners Studio Trigger japoniarraren eskuetan dago.

Cyberpunk 2077 azaroaren 19an argitaratuko da PC, PS4 eta Xbox Onean. Hilabete batzuk geroago PS5 eta Xbox Series Xko bertsioak ere kaleratuko dituzte; gaur egungo kontsoletarako jokoa erosten dutenek doako eguneraketa jasoko dute hurrengo belaunaldirako.

Game Erauntsia facebook


Iruzkinak

Mesedez, sartu iruzkina utzi ahal izateko.

181
Kide

1
Jolasten

11
Online

Azken erantzunak

Iker Ibarguren May 22, 2020, 2:16 p.m.

Puuuuuuufffffa! zenbat gozatu (eta sufritu!!) nuen joko honekin.... Artikulu bikaina Lander!!
Lordraneko erreinutik galduta - Dark Souls gogora…

Lander Unzueta April 25, 2020, 2:21 p.m.

Ez dute preziorik aipatu, beraz ez dut uste doakoa izango denik jatorrizko jokoa free to play bezala kaleratu zuten arren...
Trackmania berria uztailaren 1ean argitaratuko du…

Erredakzioa April 4, 2020, 8:33 p.m.

Kaixo, zaila da plataforma guztientzat zerbait egitea. Txapelketa hau egiteko play station proposatu genuen, ustez FIFA20 salmenta gehiena plataforma…
Game Erauntsiak eta Gu ere Baik FIFA20 Euskal Lig…