Death Stranding ekainaren 2an argitaratuko da PCn

Lander Unzueta | 2020/03/14 19:27 Berriak



Hideo Kojimaren azken lana Steamen eta Epic Game Storen estreinatuko da egun berean. Hainbat gehigarri berezi ekarriko ditu PCko jokalarientzat.

Playstation 4an argitaratu ondoren, Death Strandingen PCko bertsioaren argitaratze data iragarri du 505 Gamesek: Steam eta Epic Game Store saltokiek ekainaren 2an jasoko dute Kojima Productionsen bideojokoa.

PCko bertsioak frame tasa handia, argazkiak ateratzeko menua eta monitore zabalentzako aukerak edukiko ditu.

Horrez gain, Hideo Kojimaren lana PCn erosten dutenek hainbat eduki berezi jasoko dituztela iragarri dute argitaratzaileek trailer baten bidez: soinu bandaren eta arte liburuaren bertsio digitalekin batera hainbat gehigarri estetiko edukiko ditu bertsio berriak.

Erosketa argitaratze data baino lehen egiten dutenek are eduki estetiko gehiago jasoko dituzte. Trailerrean, gainera, Valven Half-Life bideojoko sagatik ateratako objektuak ikusi daitezke: Headcrab txanoa, HL: Alyxeko eskularruak edota Valven balbula famatua dira, esaterako, Sam Bridges protagonistak jantzi ahalko dituen elementuak.

Game Erauntsia facebook


Iruzkinak

Mesedez, sartu iruzkina utzi ahal izateko.

174
Kide

6
Jolasten

67
Online

Azken erantzunak

Erredakzioa April 4, 2020, 8:33 p.m.

Kaixo, zaila da plataforma guztientzat zerbait egitea. Txapelketa hau egiteko play station proposatu genuen, ustez FIFA20 salmenta gehiena plataforma…
Game Erauntsiak eta Gu ere Baik FIFA20 Euskal Lig…