Dakizuen bezala, aurreko asteko ostegunetik igandera bitarte ospatu zen Euskal encounterraren 23. edizioan izan ginen hainbat ekitalditan parte hartuz. Euskal Herriko LAN party handiena den festa erraldoi hau aukeratu genuen gure telebista jaio berria estreinatu eta martxan jartzeko.

Esan genuen bezala, GETB asteroko 10-15 bat minutuko saio bat izango da eta hainbat atal ezberdin bilduko ditu: Azken berriak, indie joko baten kritika eta analisia eta elkarrizketen eta bestelakoen txokoa. Gainera, webgunean ere atal berezi bat eskeiniko diogu telebistari. Baina hori guztia irailaren hasieratik hasita.

Oraingoz, gure gaitasun eta gabeziak neurtzeko grabatu genuen lehen saioa aurkezten dizuegu. Hona hemen gure proba pilotua.