Halo 3 uztailaren 14an helduko da PCra

Lander Unzueta | 2020/07/09 11:00 Berriak



Hirugarren atala Halo: Combat Evolved Anniversary, Halo 2: Anniversary eta Halo: Reach bideojokoei gehituko zaie.

PCan jokatzen duten Haloren zaleak pozik egoteko arrazoiak dituzte. Maiatzean Halo 2: Anniversary jaso ondoren, Master Chief Collectionari Halo 3 gehituko zaio datorren astean. Zehazki, uztailaren 14an jokatu ahalko da Microsoften tiro jokoen saga ospetsuko hirugarren atalera.

Bilduma osoarekin batera ez ezik, Halo 3 bakarka erosteko aukera ere egongo da, beste jokoekin gertatu modura. Bungiek garatutako bideojokoa Steam edota Microsoft Store bidez erosi ahalko da; Xbox Game Passean ere gehituko dutela agindu dute Microsoftekoek.

Nola ez, PCko bertsioak teklatu eta saguentzako euskarria izango du. Horrez gain, birmasterizazioa 4K-ko bereizmenean, 60 FPS baino gehiagotara eta HDR aukerak aktibatuta jokatu ahalko da. Ultrawide monitoreentzako euskarria eskaini eta FOV ezarpenak ere aldatzeko aukera emango dute.

Hirugarren atala argitaratuta, Halo ODST, Halo 4 eta Halo 5 PCan argitaratzea faltako zaio 343 Industries garatzaileari.

Halo 3rena ez da izango uztailean sagari buruz izango dugun albiste bakarra. Hilabete honetan Microsoftek emitituko duen Xbox Game Showcasean Halo Infiniteri buruzko berriak emango dituzte Redmondekoek.

Game Erauntsia facebook


Iruzkinak

Mesedez, sartu iruzkina utzi ahal izateko.

181
Kide

5
Jolasten

56
Online

Azken erantzunak

Iker Ibarguren May 22, 2020, 2:16 p.m.

Puuuuuuufffffa! zenbat gozatu (eta sufritu!!) nuen joko honekin.... Artikulu bikaina Lander!!
Lordraneko erreinutik galduta - Dark Souls gogora…

Lander Unzueta April 25, 2020, 2:21 p.m.

Ez dute preziorik aipatu, beraz ez dut uste doakoa izango denik jatorrizko jokoa free to play bezala kaleratu zuten arren...
Trackmania berria uztailaren 1ean argitaratuko du…

Erredakzioa April 4, 2020, 8:33 p.m.

Kaixo, zaila da plataforma guztientzat zerbait egitea. Txapelketa hau egiteko play station proposatu genuen, ustez FIFA20 salmenta gehiena plataforma…
Game Erauntsiak eta Gu ere Baik FIFA20 Euskal Lig…