Bihar, azaroak 11, iritsiko da dendetara Halo sagaren bilduma. Xbox One kontsolarako esklusiboa da eta 360 kontsolako joko nagusiak barne datoz: Halo: Combat Evolved, Halo 2, Halo 3 eta Halo 4.

Bilduma honetan, joko guztiak hobekuntza handiarekin datoz, 1080ko bereizmenarekin, eta 60 koadro segunduko jarioarekin. Online jokatzea gustuko duzuenok, 106 mapa desberdin aurkituko dituzue. Gainera lorpenen zaleak bazarete, 450 lorpen desberdin lortzeko erronka ematen dizue bildumak.

Halo 2 bertsioaren konparaketa bat

Eta hori ez da dena, datorren urterako espero den Halo 5: Guardians joko berriaren jokalari-anitzerako beta bertsio bat dakar.

Master Chief supersoldaduaren istorioa gustuko baduzue, sagako joko desberdinak berriz ere jokatu nahi badituzue bertsio hobetuetan, eta 2015ean iritsiko den hurrengo jokorako pazientzia gutxi baduzue, ziur egon bilduma honekin izugarri gozatuko duzuela.