Türkiye-Syria Earthquake Relief Bundle deitutakoak Ghostrunner, Gotham Knights edo Pathfinder: Kingmaker biltzen ditu, beste 60 bat jokoren artean.

Kurdistango, Turkiako eta Siriako eremuetan otsail hasieran emandako lurrikaren eragina zein ondorioak arintzeko eta herrialdeotako bizilagunei laguntzeko Türkiye-Syria Earthquake Relief Humble Bundle bilduma berezia iragarri dute: 60 bat bideojoko bilduta, hauen truke eskuratutako dirua gobernuz kanpoko hainbat erakunderi bidaliko zaie.

“Munduko Osasun Erakundea 23 milioi pertsonari eragin diela uste du”. diote Humblekoek. “Ezbeharraren eskala argitzen doan heinean, ikustekoa da suspertzeko bidea benetan zaila izango dala eskualdeotako biztanleentzat”.

Zehazki, Direct Relief, International Medical Corps eta Save the Children erakundeak aipatzen dituzte Humblekoek: eskuratutakoaren % 100 bidaliko zaie hauei.

Egindako bideojokoen hautaketa handia nahiz interesgarria da: zerrendan Ghostrunner lehen pertsonako akziozko lan ikusgarria, Pathfinder: Kingmaker estilo klasikodun RPG abentura edo Batman zaldun ilunaren munduan girotutako Gotham Knights berria aurki ditzakegu. Horiez gain, XCOM 2, EuroTruck Simulator 2 zein System Shock mitikoak gaineratu dituzte. PC-rako jokoak dira, eta Steam plataforman aktiba daitezke.

 

Hemen doa jokoen zerrenda osoa:

  • Gotham Knights
  • Ghostrunner
  • Pathfinder: Kingmaker – Enhanced Plus Edition
  • XCOM® 2
  • Ticket to Ride
  • Strange Brigade
  • Euro Truck Simulator 2
  • Stick Fight
  • Farming Simulator 17
  • System Shock Enhanced Edition
  • System Shock 2
  • Pilgrims
  • Flynn: Son of Crimson
  • Into the Pit
  • Worms Rumble
  • Harmony’s Odyssey
  • Mount & Blade: Warband
  • Armello
  • Backbone
  • 911 Operator
  • 112 Operator
  • Calico
  • X-Morph: Defense Complete Pack
  • Zombie Driver HD Complete Edition
  • Space Crew: Legendary Edition
  • PayDay 2
  • Monaco
  • Death Squared
  • Lust from Beyond – M Edition
  • Stygian: Reign of the Old Ones
  • Remnants of Naezith
  • Planet TD
  • Firegirl: Hack ‘n Splash Rescue DX
  • XEL
  • Little Orpheus
  • Detached: Non-VR Edition
  • Agent in Depth
  • Lighthouse Keeper
  • Hyper Gunsport
  • Meow Express
  • Arcade Spirits
  • Non-Stop Raiders
  • The Inner World
  • The Amazing American Circus
  • Soulblight
  • Stacking
  • Hack ‘n’ Slash
  • MirrorMoon EP
  • Cosmic Express
  • Cris Tales
  • Orbital Racer
  • Symmetry
  • Guilty Gear X2 #Reload
  • Alchemist’s Castle
  • Soul Searching
  • Doughlings: Arcade
  • Doughlings: Invasion
  • Quadrata
  • Rym 9000
  • stikir
  • Cats and the Other Lives
  • Soulflow
  • Izmir: An Independence Simulator
  • Guns & Fishes
  • Pill Baby
  • Project Chemistry
  • Pixross
  • Frick, Inc
  • Sunlight
  • Starfinder Core Rulebook
  • Starfinder: Junker’s Delight

Jokoez gain, Starfinder mahaijokoa nahiz Saga komikiak dakartza bildumak.

Titulu guztiak eskuratzeko ordaindu beharreko gutxienekoa 28 euro dira; hala ere, ohi bezala nahi beste eman daiteke. Humblek egindako zerrendan erabiltzaileek 200 dolarretarainoko eskaintzak egin dituztela azaltzen da.

Are gehiago, albistea idazterako unean 605.119 euro batu dituztela adierazi dute ekimenaren arduradunek. Martxoaren 8an itxiko dute eskaintza: ordura arte, esan bezala, 28 eurotik gora ordaindu eskura daitezke arestian aipatutako bideojokoak Humble Bundlen web orrialdean.