League of Legends-en munduko txapelketako finala iritsi da

Haritz Odriozola | 2015/10/30 21:49 Berriak



    Hilabete inguruan maila altueneko partidetaz gozatzeko aukera izan dugu eta bihar emango diogu agurra League of Legends-eko munduko txapelketari. Baina ez da amaiera makala izango, SKTelecom T1 (SKT) eta KOO Tigers (KOO) talde hego korearrak izango baititugu aurrez aurre. Esan daiteke gaur egun munduan indartsuen dauden bi taldeak direla, beste taldeetatik koska bat gorago. Origen eta Fnatic talde europarrak gailenduta, hurrenez hurren, datoz bi taldeak eta biak ere 3-0 irabazita finalerdiak. SKT-k halere, are beldurgarriago den estatistika bat du berekin, ez duela partidarik galdu txapelketa osoan. Nahiz eta talde hau faboritoa nagusia izan jende gehienarentzat, gure inkestak hala dio behintzat, partida ikusgarria izango dela ez dago zalantzarik.

 

 

    Egia da SKT oso egoera onean etorri dela, udako split-ean jaun eta jabe izanik, baina KOO Tigers-ek badu esperantzarik. Izan ere udaberriko split-ean 3-rako kanporaketa bat jolastu baitzuten bi taldeek eta KOO 2-1 gailendu baitzen. Horri aurre egiteko SKT-k Faker dauka, munduko eta seguruenik historiako jokalaririk onena, aurreko urtean ezin izan zena munduko txapelketan izan. Halere munduko kopa honetan ez da bere taldeko izarra izan, momentuz taldeko protagonismoa Marin toplaner-ak eta Bang ADC-ak baitaukate. Azken honek 19.9-ko KDA izanik, txapelketako ADC-en KDA batazbestekoaren (4-5 ingurukoa) aldean izugarria dena.

 

Bengi (Jungler), Faker (Midlaner) eta Bang (ADC) partida irabazi ostean.

 

    Baina KOO Tigers-ek ere baditu bera aldeko ezaugarriak. Hasteko, SKT-k ez bezala ez dauka jokalari batzuen dependentzia, beraz jokalari bat ez bada bere maila onena ematen, hainbeste ez lukete sufritu beharko hasiera batean. Horrez gain, talde borrokarako konposizio bikainak egiten dituzte. Eta SKT aurkari ezagune dute, liga berdinean jokatzean talde famatuaren puntu ahulak ondo ezagutzen baitituzte.

 

KurO (Midlaner), Pray (ADC), Smeb (Toplaner) eta Hojin (Jungler) kanporaketa irabazi ostean.

 

    Final handia bihar 12:00-tan hasiko da. Lehenengo ordua irekierako zeremonia eta adituen analisiek osatuko dute. Lehenengo partida 13:00 inguruan ikusi ahal izango da eta gutxienez 3 partidu izango dira. 5 partidetatik onena modua jolastuko dutenez, 3 garaipen lortu arte talderen batek, zaleen gozamenerako partidak izango dira. Jarraian partida ikusteko bi streaming dituzue. Bata LVPes-ena, gaztelaniazkoa, eta bestea aldiz Riot Games-ena, ingelesezkoa. Ondo pasa dezazuela, partida ikusgarriak ikusi ditzagula eta onenak irabazi dezala !

 

 

 

Game Erauntsia facebook


Iruzkinak

Mesedez, sartu iruzkina utzi ahal izateko.

185
Kide

6
Jolasten

41
Online

Azken erantzunak

Jon7 EUSKALDUNA Nov. 9, 2020, 8:55 p.m.

jo ba doakoa da azkenean, epic ean behintzat. Oso txukuna nere ustez, modu desberdinak dauzka baina betiko erlojuaren aurkakoan, zure probintziako ra…
Trackmania berria uztailaren 1ean argitaratuko du…

Iker Ibarguren May 22, 2020, 2:16 p.m.

Puuuuuuufffffa! zenbat gozatu (eta sufritu!!) nuen joko honekin.... Artikulu bikaina Lander!!
Lordraneko erreinutik galduta - Dark Souls gogora…

Lander Unzueta April 25, 2020, 2:21 p.m.

Ez dute preziorik aipatu, beraz ez dut uste doakoa izango denik jatorrizko jokoa free to play bezala kaleratu zuten arren...
Trackmania berria uztailaren 1ean argitaratuko du…