Konamik Metal Gearren hiru joko argitaratu ditu PCrako

Lander Unzueta | 2020/10/02 18:00 Berriak



Metal Gear, Metal Gear Solid eta Metal Gear Solid 2 GOG plataformara heldu dira ezustean.

Zurrumurru eta filtrazioen ondoren, Konamik Metal Gear sagako hiru joko argitaratu ditu PCrako. Oraingoz CD Projekten GOG plataforma digitalean eskuratu daitezke.

Kaleratutako jokoak Metal GearMetal Gear Solid eta Metal Gear Solid 2 Substance dira. 1987ko klasikoa 5,99 eurotara jarri dute salgai, eta Solid sagako bi lanak 9,99 euroren truke eskuratu daitezke.

Arduradunek ez dute jatorrizko Metal Gear edo MGS 2ri buruzko aldaketarik aipatzen saltokiko deskribapenean. MGSek, baina, hobekuntza grafikoak dituela nabarmendu dute. Gainera, bi Solid jokoek aginteentzako euskarria jaso dute. Halere, ez dirudi MGS HD Collectioneko hobekuntzak dituztenik.

Hiru jokoak inolako DRMrik gabe eskuratu daitezke GOG bitartez. Metal Gearrekin batera Konami Collector’s Series: Castlevania & Contra ere argitaratu dute japoniarrek.

Game Erauntsia facebook


Iruzkinak

Mesedez, sartu iruzkina utzi ahal izateko.

182
Kide

2
Jolasten

35
Online

Azken erantzunak

Iker Ibarguren May 22, 2020, 2:16 p.m.

Puuuuuuufffffa! zenbat gozatu (eta sufritu!!) nuen joko honekin.... Artikulu bikaina Lander!!
Lordraneko erreinutik galduta - Dark Souls gogora…

Lander Unzueta April 25, 2020, 2:21 p.m.

Ez dute preziorik aipatu, beraz ez dut uste doakoa izango denik jatorrizko jokoa free to play bezala kaleratu zuten arren...
Trackmania berria uztailaren 1ean argitaratuko du…