Gaur iritsiko dira misio kooperatiboak Ghost of Tsushimara

Lander Unzueta | 2020/10/16 11:00 Berriak



Partida berria+ eta beste hainbat berritasun gehituko ditu doako eguneraketa batekin.

Ghost of Tsushimaren 1.1 eguneraketa gaur kaleratuko dute Sucker Puncheko samurai eta ninjen abenturarako. Eduki gehigarriak ekarriko duen berritasunik nabarmenena beste hiru jokalarirekin batera misio kooperatiboak bizitzeko aukera izango da.

Legends deitutako atalaren barruan bilduko dituzte misio horiek. Horietan parte hartzeko hainbat kokalekutan agertuko den Gyozen ipuin kontalariarekin hitz egin beharko da: horrela misioen zerrenda azalduko da partida ezberdinekin.

Bi jokalarik Historia misioetan parte hartu ahalko dute; lau jokalarirentzako partidak berriz Survival joko motan biziko dira. Horietan etsaien hordei aurre egin beharko zaie ahalmen bereziak erabilita. Gero eta denbora luzeagoz bizirik irautea lortuz gero, are ahalmen boteretsuagoak eskuratuko dituzte jokalariek.

Lau pertsonaia mota egongo dira Survival partidetan: samurai, ronin, ehiztari eta asasino mailen artean aukeratu beharko da.

Jokalari anitzentzako partidak ez dira 1.1 eguneraketak ekarriko duen berritasun bakarra izango. Zaleek itxarotako Partida berria+ joko mota ere ekarriko du: bukatutako partida batean lortutako maila, abilezia eta objektuak partida berri batera eramatea ahalbideratuko du. Gainera, lorpen berriak eta lortzeko edukiak ere gehituko ditu.

Ghost of Tsushima Playstation 4rako eskuratu daiteke.

Game Erauntsia facebook


Iruzkinak (1)

Iker Ibarguren Oct. 16, 2020, 12:07 p.m.

ni kriston gogoekin nago!!

Mesedez, sartu iruzkina utzi ahal izateko.

182
Kide

2
Jolasten

33
Online

Azken erantzunak

Iker Ibarguren May 22, 2020, 2:16 p.m.

Puuuuuuufffffa! zenbat gozatu (eta sufritu!!) nuen joko honekin.... Artikulu bikaina Lander!!
Lordraneko erreinutik galduta - Dark Souls gogora…

Lander Unzueta April 25, 2020, 2:21 p.m.

Ez dute preziorik aipatu, beraz ez dut uste doakoa izango denik jatorrizko jokoa free to play bezala kaleratu zuten arren...
Trackmania berria uztailaren 1ean argitaratuko du…