Damian
Gaur atsaldeko 16.00tan (GMT+1) hasiko da ofizialki League of Lengends-eko (LOL) Munduko 5. Txapelketa. Ez dakit zuek baina niri hitz horiek entzutean burura datorkidana hauxe da:
Askok asmatuko zenuten irudi hau ze telesail kuttunetan ikusia geneukan. Eta ez da gutxiagorako! Izan ere, 2009an jaio zen LoL-a, baina ez zen lehenengo Munduko Txapelketa jolastu 2011. urterarte. Suediako Jönköping hirian jokatu zen eta Fnatic-ek eraman zuen kopa etxera.
Aurten berriz Europan jokatuko da. Gaur hasiko den taldekako fasea Parisen jokatuko da urriaren 1-tik 4-ra eta 8-tik 11-ra bitartean. Urriaren 15-tik 18-ra berriz, final-laurdenak Londonen jokatuko dira. Final-erdiak Bruselan jokatuko dira urriaren 24 eta 25-ean. Eta final handia urriaren 30-ean izango da Berlin-en.
Bertan parte hartzeko sailkatutako taldeak 16 dira guztira, 3 europatik, 3 txinatik, 3 korearrak, 3 ipar-amerikatik, 2 Taiwan, Hong-kong eta Macau-ko lurraldeetatik eta 2 talde munduko beste lekutatik (LoL-eko txapelketatako lurralde jakin baten parte izan gabe: Turkia eta Chile).
Hortik 8 talde sailkatuko dira eta orduan hasiko dira final-laurdenak, final-erdiak eta final handia:
Eta hortik aterako da aurtengo Munduko Txapelduna!
Hau behar den bezala jarraitzerik nahi edo ahal baduzue, egutegia LOL-eko web ofizialean begiratzea da onena. Eguneroko partida guztien ordutegiak ikus daitezke bertan:
Gainera, partidak zuzenean beraien VODS zerbitzutik ikusi badaitezke ere, badira hainbat interneteko zerbitzu bai ingelesez naiz gazteleraz iruzkinduta erakusten dizkigutenak. Hemen gomendio batzuk:
- Azubu (EN): http://www.azubu.tv/LoLEsports
- LoL Esports (EN): https://www.youtube.com/user/LoLChampSeries
- ESL Spain (ES): http://www.twitch.tv/esl_spain
- RIOT Games ES (ES): http://www.twitch.tv/riotgameses
Informazio gehiagorako: http://worlds.lolesports.com/es_ES/worlds
Guzti honek txapelketaren nondik-norakoak eta zela eta non ikusteko balio izango zizuelakoan, gozatu txapelketaz!
Iruzkinak