Minecraft zerbitzaria


Game Erauntsiaren eskutik lehen euskarazko Minecraft zerbitzaria duzue eskuragai. Zerbitzarira sartzeko 1.12.2 bertsioa izan behar duzu jolasean. Zerbitzarian bizikidetza egoki bat bermatzeko jarraian dagoen araudia irakurtzea gomendatzen da.

Zerbitzarira konektatzeko pausoak

Zerbitzarira sartzeko pausoak honakoak dira:

  • Minecraft barruan Multijokalaria atalera sartu eta han "Gehitu zerbitzaria" botoiari sakatu.
  • "Zerbitzariaren izena" atalean "Game Erauntsia" idatzi eta "Zerbitzariaren helbidea" atalean "mc.gamerauntsia.eus". Konektatu eta kitto!
  • Ez ahaztu ARAUDI ETA BALDINTZAK irakurri eta betetzea!!

Araudi eta baldintzak

  • Gogoratu Minecraft-eko lehen zerbitzari euskalduna dela, beraz txat-etik derrigorrezkoa da euskaraz hitz egitea.
  • Zerbitzariko jokalariak eta administratzaileak errespetatu.
  • Txata modu egokian erabili: Irainak, spam-a, iruzurrak… debekatuta daude
  • Mundu nagusian zuri esleitutako partzelan bakarrik eraiki dezakezu. Partzela hauetako bat nahi izatekotan, GE-an erregistratuta egotea beharrezkoa da eta administratzaile bati eskatu beharko zaio baldintza betez gero. Eraikinen neurri maximoa 15 bloke dira, bai gorantz eta bai beherantz.
  • Mundu nagusian partzela izanez gero eta 3 hilabetetan zerbitzarira ez sartuz gero, partzela galdutzat emango da. Arau hau partzela abandonatu asko ez izateko da.
  • Zerbitzarian partzela gehiagorekin mundu berezi bat dago. Partzela hauek erosteko ezinbestekoa da lehenago mundu nagusian bat edukitzea. Prezioa 20 diamantekoa izango da 32x32 blokeko esparruarentzat. 50x50-ra handitzea nahi bada 20 diamante bloke ordaindu beharko dira. Partzela hauetan gehienez goraka 30 bloke eta beheraka 15 bloke eraiki daitezke.
  • Ez ezazu eraiki errekurtsoen munduan! Munduan noizean behin berritzen baita.
  • Debekatuak daude granja automatikoak zein redstone zirkuitu konplexuak egitea.
  • Zerbitzariaren eraikuntza irekia da, edozein erabiltzailek hartu dezake parte. Horretarako lehenago foroan idatzi beharko du eskaera proposamena adieraziz.
  • Zerbitzarian jokalarien 3 kategoria daude: Arruntak, Erregistratuak eta VIP-ak. Erregistratuek maskota zein elementu apaingarri batzuk dituk eta VIP-ek berriz guztiak.
  • Aurreko arauetako bat hausteak zigorra jasotzea ekarri dezake: Hitzez atentzioa ematetik, zerbitzaritik betirako kanporatua izateraino.
  • Arau hauste bat ikusi edo jasan ezkero, idatzi kontaktura noiz/non/nork/zer gertatu den adieraziz eta guk beharrezko ikerketak egin ostean, erabaki bat hartuko dugu.

Izen ematea

Zerbitzarian erregistratu kategoria izateko, lehendabizi Game Erauntsian izena eman behar duzu.

Izena eman!

Izan zaitez VIP!

Game Erauntsiaren proiektuari bultzada emateko bazkidetza sistema bat dugu non beronek zerbitzarian VIP izaera izatea dakarren. Oso erraza eta merkea da eta abantaila ugari lor ditzakezue:

  • Zerbitzariak 30 erabiltzaileko muga dauka oraingoz. Horrek esan nahi du, zerbitzarira konektatzen 31. erabiltzailea bazara eta ez baduzu VIP pasea, kanpoan geratuko zarela.
  • Jokua jendez gainezka baldin badago eta VIP erabiltzaileren bat konektatzen bada, VIP ez den erabiltzaile bat automatikoki kanporatua izango da.
  • VIP erabiltzaileak normalak baino maskota eta elementu gehiago ditu eskura jokoan.
  • VIP erabiltzailea izan zaitezke soilik urteko 10€ ordainduz!
  • Ez galdu abantaila hauek eta EGIN ZAITEZ BAZKIDE

Izan zaitez VIP

Game Erauntsiaren proiektuari bultzada bat emateaz gain, zerbitzarian VIP izaera izango duzu. Egin zure ekarpena eta gozatu hainbat abantailez. Jarraitu pauso hauek VIP erabiltzaile izateko!

VIP erabiltzaileak