Nafar Erresuma Civilization V-ean

Haritz Odriozola | 2018/02/14 17:46 Berriak



Mod-en munduan edozer gauza aurkitzera irits zaitezkela aski jakina da, baina ez dizuet gezurrik esaten gaurkoan dakarkidanarekin sorpresa eder bat hartu nuela. Txartel grafikoa apurtu eta berme epe barruan dagoenez konpontzera bidali dut, beraz karga grafiko handirik ez duten jolasekin konformatu behar eta Civilization V-era jo nuen. Lehenago jada instalatuak nituen Sobietar Batasunaren eta lur planeta hedatuaren (jolasak dakarkiena baino handiagoa) mod-ak, eta halako ideia distiratsu (seguruenik zentzugabe) batean “basque” hitza begiratzea pentsa nuen jolasari dagokion Steam Workshop-ean.

 

sancho

 

Gertatu zena inolaz ere ez nuen pentsatzen ikusiko nuela, mod bat aurkitu zuen hitz gako horrekin. Uighur_Caesar’s Navarre izenekoa zen eta noski, ikuskatzera sartu nintzen. Nafar erresuma gehitzen du jolasera, Sancho III-aren (Honetan erratu dira, Sancho VII baitzen nafar erregea) paperean jartzen gaituelarik. Horrez gain eraikitzen ditugun hiriei, Euskal Herriko hainbat hiriren izenak automatiko ezarriko zaizkie. Baina ez da honetara soilik mugatzen mod-a, izan ere jarraian datozen ezaugarri estrak gehitzen baititu:

 

  • Euskal Erret Gizartea: Komertzio bideak ezarrita dituzten hiriek Kultura Artisten puntuak eratzen dituzte. Herrialdea Urre Aro batean sartzen da beste herrialde batek ez daukan Politika Sozial bat aukeratzen den oro.

 

  • Txapelgorria: Fusilaria ordezkatzen du. Eremu malkartsuek ez diote eragiten mugimendu kosturik eta muinoetan %25-eko Borroka Bonifikazioa irabazten du.

 

716598242_preview_Screenshot (57)

 

  • Baserria: Aletegia (granero gaztelaniaz) ordezkatzen du. Aletegi normal baten bonifikazioez aparte, Baserriak Kultura +1 igotzen du eraikitako hirian eta Literatur Lan Handi batentzat espazio bat du, non hau osatzean Pertsonaia Handi baten sorrera %25 igotzen du. Behin Akustika ikertu ostean, hiriek bigarren Baserri bat eraiki dezakete, aurreko bonifikazioak mantenduz baina Musika Lan Handi batentzako espazio bat izanik ordea.

 

716598242_preview_Screenshot (60)

 

Interesaturik bazaudete mod hau deskargatu eta Nafar Erresuma herrialde apartena izatera eramateko, sakatu hemen bere Workshop orrialdera joateko. Ah, eta jolaseko musika zerrendara abestitxo bat gehitzen du. Ea asmatzen duzuen ze abesti den.

 

Game Erauntsia facebook


Iruzkinak (3)

etxondoko Feb. 19, 2018, 10:57 p.m.

Aupa!
Bikaina eta asko poztu nintzen ikustean. Berehala hasi nintzen probatzen.
Linux mint 18.3 + CIV V MOD honegaz ez dago 20 txanda jarraian egiterik. Bapatean ixten da. Prest nago egileari ahal dudan guztian laguntzeko, telegram taldean aurkituko nau.

Igor Okina March 1, 2018, 7:26 p.m.

Nik MOD hau aspaldi deskubritu naban eta zeuri bezainbeste arritxu zoztan. Naiko dexente inda zaguala irdutxu jatan. Musika oso ondo dago, ta izatez, Aurreskuaz gain beste bat ere badago. Nafarroakin irabaziz gero (uzte dot gerran egotiak be balio dabala, baina justu probau naban partida oso baketsua izan zan) Eusko gudariak entzuten da! Zuzenian entzutia nahi badozu, jo dokumentu karpetara, han "My Games"->"Sid Meier's Civilization 5"->"MODS"->"Uighur_Caesar's Navarre(v 3)"->"Art". Hor, topatu bi audio artxibo, "SanchoPeace.mp3 (Aurreskua) eta "SanchoWar.mp3".

Herrixen izenana detaile ona da, baña eztare euskaraz. Hori aldatzia nahi izanez gero, bueltatu "Uighur_Caesar's Navarre(v 3)" karpetara, han sartu "Text"-en eta ireki Text.xml Ohar-blokarekin. Bertan ageri diren izenak euskaratu edo nahi izanez gere zeurea sartu (nik Bergara sartu naban Barakaldon lekuan).

etxondoko March 18, 2018, 5:41 p.m.

Arazoa ez zen MOD txukun honena, nire Ryzen 1600X + RX 580 zen. Linuxean CIV V da ez zebilena ondo. (MOD hau probatzeagatik itzuli nintzen joko honetara eta hortik gaizki ulertua.)
Konponbidea ezarpenak aldatzea da:
.local/share/Aspyr/Sid Meier's Civilizatio 5/config.ini fitxategia editatu
"MaxSimultaneousThreads" parametroa 8tik 16ra aldatu eta oraingoz askoz hobe.

Mesedez, sartu iruzkina utzi ahal izateko.

163
Kide

0
Jolasten

24
Online

Azken erantzunak

Urdinberde Feb. 10, 2019, 7:47 p.m.

eta astirik baduzue hyrule warriors, tingles rupee land, tingles baloon trip of love, links crossbow training eta navi trckers. Eta batenbat ahaz...
Zeldaren kondaira euskaratu dugu

Urdinberde Feb. 10, 2019, 7:41 p.m.

oso ona, orain itzuli zelda 2: links advesnture, zelda a link to the past, zelda link awekenin, zelda orocle ages eta season, zelda: ocarina of tim...
Zeldaren kondaira euskaratu dugu

Igor Okina Feb. 3, 2019, 2:58 p.m.

Estrategia zale bezala, esan biharra daukat zerrenda horretako ia bat be ez jatela interesatzen (akaso Cyberpunk 2077, baña ez dot uste 2019 irteng...
Onena etortzear dago: eta 2019an zer?

Iker Ibarguren Jan. 25, 2019, 9:08 a.m.

demoa probatu nuen aurrekoan eta urteetan atzera egin nuen... lehen aldiz joko hau bera jokatu nuen unera... a zer ohiuak!! ;)))))))
[AURRERAPENA] Resident Evil 2

Urtzi Odriozola Sept. 30, 2018, 11:09 p.m.

Kaixo!! Pozten gara!! Lanean jarraitzeko indarrak ematen dizkigu honelako erantzunak ikusteak! Mila esker!
'Wonder Boy': klasiko baten gaurkotze arrakasta...