Jada euskaraz zegoen OpenTTD (Microprose-n eskutik Chris Sawyer-ek egin zuen "Transport Tycoon Deluxe" jokoaren klon librea). Baina jolasterakoan ez zegoen izen euskaldunik zuen herri izen paketerik. Hori dela eta, Euskal Herriko herrien pakete bat sortu dut.
Nola instalatu azalduko dizuet. Oso erraza da:

Lehenik eta behin orrialdetik jeitsi "euskal-herria.grf" fitxategia.

Fitxategi hori, kopiatu "newgrf" karpetara (darabilzun sistema eragilearen arabera):

C:\Users\<username>\Documents\OpenTTD\newgrf (Windows Vista, 7, 10)

~/.openttd/newgrf (Linux, BSD)

~/Documents/OpenTTD/newgrf (OSX)

Gero, jokoa ireki eta aukeratu "NewGRF-ren Ezarpenak".

NewGRF-ren Ezarpenak

"NewGRF artxibo ez aktiboak" atalean "Euskal Herriko udalerriak 0.1.0" ikusi beharko zenuke. Horrela ez baldin bada, klikatu "Artxiboak berriro eskaneatu".

Artxiboak berriro eskaneatu

Ondoren, egin klik bikoitza "Euskal Herriko udalerriak 0.1.0"-ren gainean. Eta hau "NewGRF-ko artxibo aktiboak" atalera pasako da.

NewGRF-ko artxibo aktiboak

"Aldaketak aplikatu" sakatu. Orain, "Joko berria" sortzerakoan, "Herrien izenak" aukeran, "Euskal Herria" aukeratzea izango dugu.

Joko berria

Joko berriaren ezarpenak

Beste parametroekin gustura gaudenean, sakatu "Sortu" eta ikusi herrien izenak.

Euskarazko herriak jokoan

"Erakutsi herri zerrenda" ikonoan klik eginda, zerrenda osoa iker zenezake.

Herri zerrenda

Espero baliagarria izatea!