Paper Mario: The Origami King iragarri du Nintendok Switcherako

Lander Unzueta | 2020/05/18 18:00 Berriak



Marioren RPG abentura berria uztailaren 17an kaleratuko da.

Paper Marioren zaleek ezusteko galanta hartu dute. Nintendok ustekabean iragarri du Switchean argitaratuko duen Marioren RPG abenturen bideojoko berria. Paper Mario: The Origami King deituta, paperezko mundua origamiekin bateratuko du.

Informazio askorik eman gabe, trailerrean erakutsitakoarekin esploratzeko mundu zabala edukiko duela ikus daiteke. Origami erregea izango da abenturaren arerio nagusia; Peach printzesa origami bihurtu eta bere gaztelua bahitu egin du.

Erregearen origami armadari aurre egiteko Olivia izango du ondoan Mariok. Oliviaren botere magikoek abenturan aurre egiteko aukera emango diote iturginari.

Borrokak ere aldaketekin datoz. Akzioa eta puzzleak bateratutzen dituen eraztun sistema berritzailea izango du Origami Kingek. Etsaiak lerrokatu egin beharko dira ahalik eta eraso gogorrenak jaurti ahal izateko.

Ezusteko iragarpenarekin batera are argitaratze data harrigarriagoa eman du Nintendok. Paper Mario: The Origami King uztailaren 17an estreinatuko da kontsola hibridoan.

Game Erauntsia facebook


Iruzkinak

Mesedez, sartu iruzkina utzi ahal izateko.

178
Kide

1
Jolasten

29
Online

Azken erantzunak

Iker Ibarguren May 22, 2020, 2:16 p.m.

Puuuuuuufffffa! zenbat gozatu (eta sufritu!!) nuen joko honekin.... Artikulu bikaina Lander!!
Lordraneko erreinutik galduta - Dark Souls gogora…

Lander Unzueta April 25, 2020, 2:21 p.m.

Ez dute preziorik aipatu, beraz ez dut uste doakoa izango denik jatorrizko jokoa free to play bezala kaleratu zuten arren...
Trackmania berria uztailaren 1ean argitaratuko du…

Erredakzioa April 4, 2020, 8:33 p.m.

Kaixo, zaila da plataforma guztientzat zerbait egitea. Txapelketa hau egiteko play station proposatu genuen, ustez FIFA20 salmenta gehiena plataforma…
Game Erauntsiak eta Gu ere Baik FIFA20 Euskal Lig…