Pete Hines Bethesda-ko zuzendariordeak enpresa utziko du

Lander Unzueta | 2023/10/17 13:00 Berriak



1999. urtean gehitu zen Rockville-ko estudioaren marketing taldera. Azken urteetan enpresaren aurpegirik ezagunenetakoan bilakatu da.

Bethesda Softworks-en izenik ospetsuenetako bati agur esateko unea heldu da. Pete Hines Bethesdako zuzendariordeak erretiroa hartuko duela iragarri du bere sare sozialen bitartez.

“24 urteren ondoren, Bethesda Softworksen emandako garaia bukatzeko unea dela erabaki dut”, adierazi du mezuan. “Erretiroa hartuko dut, eta nire bizitzako atal berriari hasiera eman nire pasioak eta interesak esploratuz”.

Bethesdakoek, berriz, umorez betetako mezuarekin agurtu dute: “Jokatzeko, txakurkumeak zaintzeko, kartak biltzeko eta lagunekin zein familiarekin denbora emateko jai hartuko duela” diote.

1999an batu zen Hines Rockville, Maryland-en kokatuta dagoen enpresara. Marketing taldean eman zituen bere lehen pausoak, eta, lehendakariorde kargua izatera heldu arren, lan bera eginez jarraitu du azken 24 urteetan. The Elder Scrolls III: Morrowind eta The Elder Scrolls V: Skyrim, Dishonored, The Evil Within, Prey, Doom Eternal zein joan den hilabetean argitaratutako Starfield tituluetako kredituetan ikus dezakegu bere izena.

Gainera, azken urteetan Bethesdaren aurpegian bilakatu dela esan daiteke, Todd Howard zuzendariarekin batera. Bethesdaren aurkezpenetako aurkezleetako bat izaten zen Hines: E3 azoketako zuzenekoak edo QuakeCon aurkezpenak gidatzeko arduraduna.

Lankideei eta lagunei eskerrak emanez itxi du mezua Hinesek. “Bethesdako jende, talde eta estudio ikaragarriekin lan egitea nire bizitzako esperientziarik zoragarriena izan da”.

Bethesdatik ez dute lehendakariordearen ordezkorik iragarri oraingoz, ezta dagoeneko bere kargua utzi duen edo etorkizunean erretiratuko den.

Game Erauntsia facebook


Iruzkinak

Mesedez, sartu iruzkina utzi ahal izateko.

223
Kide

6
Jolasten

39
Online

Azken erantzunak

lowena Jan. 13, 2024, 1:02 a.m.

Eastward originala bikaina izango luke euskaraz, nere ustez :3
Persiako printzea, Hawaiiko yakuza-k eta Tekken t…

muturbeltz Nov. 28, 2023, 3:30 p.m.

Lehenago switchean pasa det baina berriz pasatzeko gogoa ematen didate zure itzulpenek. Eskerrik asko lanagatik.
Mendi Zerutiarra: Celeste-ren igoeraz euskaraz go…

Ibai Aizpurua Nov. 20, 2023, 1:35 p.m.

Artikulu ederra!!! Neretzat urteko asteburu hoberena izan da! Mila esker denei!
Euskal Game Jam ekimenak euskal bideojoko sortzai…

lowena Nov. 1, 2023, 7:29 a.m.

Euskarazko pokemon joko bat jolasteko aukera izatea espero dut egunen batean!
Pokedex-a euskaratzeko proiektuak 251 sakelako mu…