Playstation 5a merkaturatzean kontsolen kopurua mugatzea aurreikusten du Sonyk

Lander Unzueta | 2020/04/20 18:00 Berriak



Martxoaren 21era begira 5 eta 6 milioi kontsola merkaturatzea pentsatzen ari dira japoniarrak.

Bloomberg agentziak azaldu duenez, koronabirusaren ondorioz Playstation 5aren produkzioa mugatu eta PS4a argitaratu zutenean baino kontsola gutxiago merkaturatzea aurreikusten du Sonyk.

Agentziaren arabera kontsolak dituen "eskaera tekniko gogorrek ekoizpen kostu handiak izatera eramaten dute". Bideojokoen garatzaileek adierazi dutenez "PS5aren prezioa 499$ eta 549$ bitartekoa" izan daiteke.

COVID-19aren pandemiak Sonyk kontsola berrirako prestatutako "sustapen planetan eragin zuzena" izan duela dio agentziak; halere, kontsolaren produkzio maila "mantendu" egin dela nabarmendu du.

Hori horrela, kontsola urte bukaeran argitaratzen dutenetik martxoaren 21era bitartean "5 eta 6 milioi kontsola merkaturatzea" aurreikusten du Sonyk. PS4a 2013ko azaroan argitaratu zutenean, denbora tarte berberan 7,5 milioi saldu zituzten.

Playstation 4aren komunitatea indartu

Merkaturatutako kontsolen kopurua mugatuta, Sonyren estrategia berria "PS4aren erabiltzaileen komunitatea indartzea" izango dela azpimarratzen dute Bloombergetik. Horretarako PlayStation Plus eta PlayStation Now bezalako zerbitzuak hobetzeko lan egingo du Sonyk.

Pandemiak Playstation 5aren produkzio lanetan eraginik izan ez duenez, kontsolaren argitaratze data aurreikusitakoa izango da: 2020ko gabonak. Orain gutxi Sonyk DualSense izeneko PS5aren aginte berria iragarri zuen.

Game Erauntsia facebook


Iruzkinak

Mesedez, sartu iruzkina utzi ahal izateko.

181
Kide

4
Jolasten

48
Online

Azken erantzunak

Iker Ibarguren May 22, 2020, 2:16 p.m.

Puuuuuuufffffa! zenbat gozatu (eta sufritu!!) nuen joko honekin.... Artikulu bikaina Lander!!
Lordraneko erreinutik galduta - Dark Souls gogora…

Lander Unzueta April 25, 2020, 2:21 p.m.

Ez dute preziorik aipatu, beraz ez dut uste doakoa izango denik jatorrizko jokoa free to play bezala kaleratu zuten arren...
Trackmania berria uztailaren 1ean argitaratuko du…

Erredakzioa April 4, 2020, 8:33 p.m.

Kaixo, zaila da plataforma guztientzat zerbait egitea. Txapelketa hau egiteko play station proposatu genuen, ustez FIFA20 salmenta gehiena plataforma…
Game Erauntsiak eta Gu ere Baik FIFA20 Euskal Lig…