Bihar jarriko da salgai, PS4 eta Xbox One kontsoletarako. Joko hau Saints Row IV jokoaren berrikuste bat da, belaunaldi berriko kontsoletarako prestatua, hobekuntza tekniko batzuekin. Gainera DLC guztiak barne datoz, baita Gat out of Hell expansio berria ere.

Joko honetan, Steelport hiriaren jaun eta jabe dira Saints bandakoak, baita AEBtako gobernuburuak ere, baina Alien kuadrilla baten inbasioa jasango du hiriak. Estralurtarrei aurre egiteko, Saintseko taldekideek ahalmen bereziak dituzte, superindarra, hegan egin ahal izatea, eta abar.

Gat out of Hell hedapenean, Johnny Gat infernura joan beharko da, Saintseko burua eta aldi berean den AEBtako presidentearen eta Satanen alabaren ezkontza saihestera.

Saints Row sandbox bat da, mundu irekikoa, eta inongo seriotasunik gabekoa. Askok GTA bezalako jokoen parodia bezala definitzen dute. Protagonistak Third Street Saints deituriko banda batekoak dira, eta beraien helburua hiria pixkanaka konkistatzea da. Joko osoan zehar eromena da nagusi. Istorioak kriston umore pila dauka, ustekabeko oso egoera surrealistak gertatzen dira.

Oso zaila zait joko honen eromena noraino iristen den deskribatzea. Beraz, detailerik eman baino nahiago dut trailerra ikusten baduzue, honekin argi asko geldituko zaizue eta: