Resident Evil Villagentzako eduki gehigarriak prestatzen ari da Capcom

Lander Unzueta | 2021/06/15 17:00 Berriak



E3an egindako aurkezpenean iragarri zuen Tsuyoshi Kandak. RE: Verse multijokalariari buruz ere mintzatu zen ekoizlea.

Capcomen survival horror frankiziako atalik arrakastatsuenetakoan bilakatzeko bidean doa zortzigarren jokoa. Resident Evil Village apirilean estreinatu zen, eta lehen lau egunetan hiru milioi ale saldu zituen. Salmentak ikusita, japoniarrak dagoeneko Ethan Wintersen abenturarako eduki gehigarrietan lan egiten ari direla adierazi dute E3aren baitan.

Tsuyoshi Kanda ekoizleak eman zuen berria, informazio gutxi emanda. Izan ere, xehetasunak etorkizunea emango dituztela adierazi zuten Capcomekoek; jarraitzaileek itxaron egin beharko dute beraz.

Lehen pertsonako abentura da Village: zazpigarren atalean ikusitakoak jarraitzen ditu protagonista berberarekin. Zazpigarren jokoaren DLCetan hainbat pertsonaia desberdin kontrolatzeko aukera ematen zuten, beraz ikusteok dago ea zortzigarrenarekin ere antzekoa gertatuko den.

DLCarena ez zen izan aurkezpenean iragarritako berritasun bakarra. Izan ere japoniarrak multijokalari obra prestatzen ari direla gogoratu beharra dago: Resident Evil RE: Verse.

Sagako protagonistak eta bilauak borrokaleku desberdinetan bilduko dituen jokoa uztailean kaleratuko dute. Eguna zehaztu gabe utzi dute, hori bai.

Game Erauntsia facebook


Iruzkinak

Mesedez, sartu iruzkina utzi ahal izateko.

214
Kide

1
Jolasten

11
Online

Azken erantzunak

Beñat April 25, 2023, 9:44 p.m.

Eskerrik asko joko hau gogorarazteagatik! Gaztetan gidarik gabe jolasteari ekin nion. Oso ondo pasatu nuen eta istorioa bukatzea lortu nuen. Helbu…
Banjo-Kazooie

Urtzi Odriozola Jan. 17, 2023, 3:34 p.m.

Bua!! Hau kristona da!! Ze pena probatzeko denbora gutxi daukadala... Instalazio proba behintzat egin beharko dut!!
Hollow Knight metroidvania abentura euskaratu du …