Sonyk The Last of Us 2ren eta Ghost of Tsushimaren argitaratze data berriak eman ditu

Lander Unzueta | 2020/04/29 11:00 Berriak



Koronabirusak nazioartean eragindako egoerara egokitzeko beharra izan dutela adierazi dute enpresa japoniarrekoek.

Playstation 4ak jasoko dituen azken bi bideojoko esklusibo handien argitaratze data berriak zehaztu ditu Sonyk. "Nazioarteko banaketa sistemak egonkortzen hasita", The Last of Us Part 2 eta Ghost of Tsushima kaleratuko dituzten egunak finkatzeko unea iritsi dela aipatu du Sonyren blogean Hermen Hulst Sony Worlwide Studioseko buruak.

Naughty Dogen bideojokoa apirilaren hasieran argitaratze datarik gabe geratu zen, aurretik maiatzean kaleratzeko asmoa zuten arren. Prentsa oharrean nabarmendu dutenez, The Last of Us Part 2 ekainaren 19an estreinatuko da.

Ellie eta Joelen itzulera Sonyrentzako berri txarrekin batu da. Azken egunotan bideojokoak hainbat filtrazio jasan ditu; sareetatik zabaldutako informazioak obrako tramaren hainbat xehetasun aipatzen ditu.

Printzipioz Ghost of Tsushima ekainaren 26an estreinatu behar zen, baina kaleratze data berria uztailaren 17ra atzeratu dutela jakinarazi du Hulstek.

"Lortutakoagatik Naughty Dog eta Sucker Punch osatzen duten taldeak zoriondu nahi ditut", aipatu du Worlwide Studioseko arduradunak. "Badakigu ez dela erraza helmugara iristea halako baldintzetan. Bi taldeek maila bikaineko esperientziak lortzeko lan egin dute".

Game Erauntsia facebook


Iruzkinak

Mesedez, sartu iruzkina utzi ahal izateko.

181
Kide

5
Jolasten

55
Online

Azken erantzunak

Iker Ibarguren May 22, 2020, 2:16 p.m.

Puuuuuuufffffa! zenbat gozatu (eta sufritu!!) nuen joko honekin.... Artikulu bikaina Lander!!
Lordraneko erreinutik galduta - Dark Souls gogora…

Lander Unzueta April 25, 2020, 2:21 p.m.

Ez dute preziorik aipatu, beraz ez dut uste doakoa izango denik jatorrizko jokoa free to play bezala kaleratu zuten arren...
Trackmania berria uztailaren 1ean argitaratuko du…

Erredakzioa April 4, 2020, 8:33 p.m.

Kaixo, zaila da plataforma guztientzat zerbait egitea. Txapelketa hau egiteko play station proposatu genuen, ustez FIFA20 salmenta gehiena plataforma…
Game Erauntsiak eta Gu ere Baik FIFA20 Euskal Lig…