Summer Game Festek udako ekitaldi digitalen zerrenda aurkeztu du

Lander Unzueta | 2020/05/07 18:00 Berriak



Garatzaileen ekimenak batzeaz gain, “ezusteko bideojoko berri baten” aurkezpen propioa ere egingo du Geoff Keighleyk.

Joan den astean Geoff Keighley bideojokoen munduko kazetariak Summer Game Fest ekimen digitala aurkeztu zuen. Bertan jokoei buruzko albisteak eta iragarpenak batuko zituztela agindu ostean, udan egingo diren aurkezpen digitalak zerrendatzeko lana hartu dute webguneko arduradunek.

Osatutako zerrenda behin-behinekoa da; enpresa eta garatzaileak ekimenak zehazten doazela SGFren zerrenda eguneratzen joango direla nabarmendu dute. Zerrendatutako ekitaldien artean azpimarratzekoa da  ekainaren 11n CD Projekt Redek Cyberpunk 2077ren inguruan egingo duen aurkezpena.

Garatzaileen aurkezpenekin batera Summer Game Festaren baitan ezusteko bideojoko berria aurkeztuko duela iragarri du Keighleyk.

Maiatzaren 12an 18:00etan egingo du aurkezpena kazetariak. Data aipatuta, kazetariak ez du bideojokoari buruzko datu gehiagorik zehaztu.

Maiatza

  • Maiatzak 12. 18:00: Sunrise 1. Ezusteko bideojoko baten aurkezpena Geoff Keighleyren eskutik.

Ekaina

  • Ekainak 9-14: Steam Game Festival: Summer Edition.
  • Ekainak 11: Cyberpunk 2077. CD Projekten Reden emisio digitala
  • Ekainak 12. 01:00: EA Play Live 2020. Electronic Artsen aurkezpena.

Uztaila

  • Uztailak 11: TennoCon 2020 – Digital Extremesek Warframeren inguruko berritasunak aurkeztuko dituzte.

Abuztua

  • Abuztuak 24. 20:00: Gamescom 2020: Opening Night Live. Geoff Keighleyk Summer Game Festi bukaera eman eta Gamescoma aurkeztuko du.

Game Erauntsia facebook


Iruzkinak

Mesedez, sartu iruzkina utzi ahal izateko.

181
Kide

0
Jolasten

0
Online

Azken erantzunak

Iker Ibarguren May 22, 2020, 2:16 p.m.

Puuuuuuufffffa! zenbat gozatu (eta sufritu!!) nuen joko honekin.... Artikulu bikaina Lander!!
Lordraneko erreinutik galduta - Dark Souls gogora…

Lander Unzueta April 25, 2020, 2:21 p.m.

Ez dute preziorik aipatu, beraz ez dut uste doakoa izango denik jatorrizko jokoa free to play bezala kaleratu zuten arren...
Trackmania berria uztailaren 1ean argitaratuko du…

Erredakzioa April 4, 2020, 8:33 p.m.

Kaixo, zaila da plataforma guztientzat zerbait egitea. Txapelketa hau egiteko play station proposatu genuen, ustez FIFA20 salmenta gehiena plataforma…
Game Erauntsiak eta Gu ere Baik FIFA20 Euskal Lig…