The Foundation espantsioaren berri eman dute Controlen arduradunek

Lander Unzueta | 2020/04/09 11:00 Berriak



Martxoaren 26an argitaratuko dute PS4rako eta PCrako; Xbox Oneko erabiltzaileek ekainaren 25era arte itxaron beharko dute jokatzeko.

Remedy Entertainmentek eta 505 Gamesek beraien azken lanaren eduki berriak iragarri dituzte. Control akziozko bideojokoak The Foundation izeneko espantsioa jasoko du.

Espantsioak “sekretu misteriotsuak, ahalmen berriak eta esploratzeko toki gehiago” izango dituela agindu dute jokoaren arduradunek. Antonela Pounder 505 Gameseko Community Managerrak Playstation Blogean argitaratutako testu batean azaldu duenez, abentura berriak “lau eta bost ordu bitarteko iraupena izango du”.

Control iazko abuztuan argitaratu zutenetik “eduki berriak sortzeko lanean buru-belarri” aritu direla azpimarratu du Pounderrek. Espantsioarekin batera eduki gehiago ere argitaratuko dituztela iragarri du. Doako eguneratze baten bidez hainbat aldaketa gehituko dizkiote Controli: maparen funtzionamendua hobetu edota gaitasun puntuak berriz esleitzeko aukera emango dute, besteak beste.

The Foundation espantsioa martxoaren 26an argitaratuko dute PS4rako eta PCrako, Epic Games Store saltokiaren bidez; Xbox Oneko erabiltzaileek ekainaren 25ean jasoko dute espantsioa.

Bigarren espantsio bat ere izango du Controlek. AWE izenekoa, Remedyren Alan Wake obra ospetsuarekin harremana izango duela dirudi.

Game Erauntsia facebook


Iruzkinak

Mesedez, sartu iruzkina utzi ahal izateko.

181
Kide

4
Jolasten

47
Online

Azken erantzunak

Iker Ibarguren May 22, 2020, 2:16 p.m.

Puuuuuuufffffa! zenbat gozatu (eta sufritu!!) nuen joko honekin.... Artikulu bikaina Lander!!
Lordraneko erreinutik galduta - Dark Souls gogora…

Lander Unzueta April 25, 2020, 2:21 p.m.

Ez dute preziorik aipatu, beraz ez dut uste doakoa izango denik jatorrizko jokoa free to play bezala kaleratu zuten arren...
Trackmania berria uztailaren 1ean argitaratuko du…

Erredakzioa April 4, 2020, 8:33 p.m.

Kaixo, zaila da plataforma guztientzat zerbait egitea. Txapelketa hau egiteko play station proposatu genuen, ustez FIFA20 salmenta gehiena plataforma…
Game Erauntsiak eta Gu ere Baik FIFA20 Euskal Lig…