Trackmania berria uztailaren 1ean argitaratuko du Ubisoftek

Lander Unzueta | 2020/04/24 18:00 Berriak



Atzerapena jasan du maiatzerako aurreikusita zegoen auto lasterketa eta zirkuitu sortzaileak.

Trackmania auto lasterketa eta zirkuitu sortzaile famatuaren bideojoko berria uztailaren 1ean estreinatuko dela adierazi du Ubisoftek. Trackmania deituta, garatzen ari diren lana 2006an argitaratutako Trackmania Nationsen remakea da.

Hori horrela, bideojokoa atzeratzea erabaki du enpresa galiarrak: maiatzean estreinatzea aurreikusita zegoen. Trackmania soilik PCrako garatzen ari dira une honetan; Ubisoften Uplay plataforman eta Epic Game Storean argitaratuko dute.

Jatorrizko Nationsen gertatu modura, Trackmania honetan joko lehiakorra nagusi izango da. Bideojokoa jokalarien maila guztientzako erronkaz osatuta dago; gameplay ulerterraz eta sinple baina menperatzeko zaila du autoen lasterketa jokoak, hasiberriei zein adituei zuzendutakoa.

Lasterketekin batera aipatutako zirkuitu sortzailea da jokoaren beste ardatzetako bat. Mota desberdinetako elementuak gehituta prestatuko ditugu zirkuituak, ondoren horietan jokatzen aritzeko.

Nola ez, Trackmaniako zirkuituek ez dute kutsu errealista edukiko: era guztietako zorakeriak sortu ahalko dira. Atal hori areagotzeko asmoz, remake honetan bloke eta azalera bereziak gehituko dituztela nabarmendu dute garatzaileek.

Game Erauntsia facebook


Iruzkinak (3)

Jon7 EUSKALDUNA April 24, 2020, 10:30 p.m.

joe primeran =3 esan dute doakoa izango den edo prezioa?

Lander Unzueta April 25, 2020, 2:21 p.m.

Ez dute preziorik aipatu, beraz ez dut uste doakoa izango denik jatorrizko jokoa free to play bezala kaleratu zuten arren...

Jon7 EUSKALDUNA Nov. 9, 2020, 8:55 p.m.

jo ba doakoa da azkenean, epic ean behintzat. Oso txukuna nere ustez, modu desberdinak dauzka baina betiko erlojuaren aurkakoan, zure probintziako ranking ean zenbat garrena egin duzun jartzen dizu eta baita nazio mailan ere. Nahiz eta betikoa hori basic pack a da ta beste gauza batzuetarako ordaindu beharreko pack ak hartu behar, hala ere jolasteko nahikoa basic a

Mesedez, sartu iruzkina utzi ahal izateko.

184
Kide

0
Jolasten

23
Online

Azken erantzunak

Jon7 EUSKALDUNA Nov. 9, 2020, 8:55 p.m.

jo ba doakoa da azkenean, epic ean behintzat. Oso txukuna nere ustez, modu desberdinak dauzka baina betiko erlojuaren aurkakoan, zure probintziako ra…
Trackmania berria uztailaren 1ean argitaratuko du…

Iker Ibarguren May 22, 2020, 2:16 p.m.

Puuuuuuufffffa! zenbat gozatu (eta sufritu!!) nuen joko honekin.... Artikulu bikaina Lander!!
Lordraneko erreinutik galduta - Dark Souls gogora…

Lander Unzueta April 25, 2020, 2:21 p.m.

Ez dute preziorik aipatu, beraz ez dut uste doakoa izango denik jatorrizko jokoa free to play bezala kaleratu zuten arren...
Trackmania berria uztailaren 1ean argitaratuko du…