Ubisoftek uztailaren 12an emitituko du Ubisoft Forward aurkezpen digitala

Lander Unzueta | 2020/05/13 18:00 Berriak



E3ko ekitaldia ordezkatzera datorren aurkezpenean Assassin’s Creed: Valhalla eta beste hainbat bideojoko agertzea espero da.

Koronabirusaren eraginarengatik 2020. urteko Electronic Entertainment Expoa bertan behera geratu zenean Ubisoftek bere aldetik alternatiba bat eskainiko zuela iragarri zuen sareetatik. Alternatiba hori Ubisoft Forward deitzen da, eta uztailaren 12an egingo dute.

Ekitaldi digitalean ikusiko duguna zehaztu gabe, “bideojokoei buruzko albiste esklusiboak, iragarpenak eta gehiago” eskainiko dituztela azaldu du Ubisoftek. 

Iazko E3an erakutsitako bideojokoetatik argitaratu duten bakarra Ghost Recon: Breakpoint izanik, gainerakoak Ubisoft Forward honetan berriz ikusiko ditugula pentsa daiteke. Horien artean daude Watch Dogs LegionGods & Monsters eta Rainbow Six Quarantine, esate baterako. Dagoeneko iragarritako joko gehiago ditu Ubik: Beyond Good and Evilen bigarren bideojokoa, edota Skull & Bones pirata jokoa.

Horiekin batera egongo da enpresa galiarraren saga arrakastatsueneko lan berria: Assassin’s Creed: Valhalla. Xbox Insidean gameplayrik erakutsi gabe gelditu ondoren, Ubisoften ekitaldi propioan aurkeztuko digute ziurrenik.

Game Erauntsia facebook


Iruzkinak

Mesedez, sartu iruzkina utzi ahal izateko.

181
Kide

1
Jolasten

10
Online

Azken erantzunak

Iker Ibarguren May 22, 2020, 2:16 p.m.

Puuuuuuufffffa! zenbat gozatu (eta sufritu!!) nuen joko honekin.... Artikulu bikaina Lander!!
Lordraneko erreinutik galduta - Dark Souls gogora…

Lander Unzueta April 25, 2020, 2:21 p.m.

Ez dute preziorik aipatu, beraz ez dut uste doakoa izango denik jatorrizko jokoa free to play bezala kaleratu zuten arren...
Trackmania berria uztailaren 1ean argitaratuko du…

Erredakzioa April 4, 2020, 8:33 p.m.

Kaixo, zaila da plataforma guztientzat zerbait egitea. Txapelketa hau egiteko play station proposatu genuen, ustez FIFA20 salmenta gehiena plataforma…
Game Erauntsiak eta Gu ere Baik FIFA20 Euskal Lig…