Watch Dogs 2 doan eskuratu ahalko da Ubisoften aurkezpen digitalean

Lander Unzueta | 2020/07/08 18:00 Berriak



Enpresa frantziarrak akziozko jokoaren PCko bertsioa oparituko du ikuskizuna emititzen den bitartean.

Maiatzean Ubisoftek bere udako aurkezpen digitala iragarri zuen. Bertan Ubisoften etorkizuneko bideojokoen berri emango dute. Ezusteko gehiago ere egongo dira, baina: aurkezpenean Watch Dogs 2 akziozko jokoa oparituko dutela iragarri dute Ubikoek.

Ubisoft Forward deitua, enpresa frantziarrak urtero E3an egindako ekimena ordezkatzeko prestatzen ari dira igandeko aurkezpen digitala. Frantziarrek zehaztu dutenez, 2016. urteko Watch Dogs 2 Uplayko liburutegirako banatuko dute.

Bideojokoa eskuratzeko aurkezpenak irauten duen bitartean erabiltzaileak beraien Uplayko kontura sartu beharko dira. Zehazki, Trackmaniari buruz hitz egin ondoren ikuskizuna bukatu arte edukiko dute WD2 liburutegi digitalera gehitzeko denbora.

Aurkezpena igandean 21:00etan hasiko da. Ubisoften blogean zehazten denez Forwardak 45 minutu inguruko iraupena izango du, beraz denbora tarte horretan adi ibili beharko dira jokoaren zain daudenak.

Bertan ikusi ahalko diren bideojokoen artean oparitzen duten obraren jarraipena nabarmendu dute: Watch Dogs Legioneri buruzko berritasunak ikusi ahal izango dira ekitaldian.

Game Erauntsia facebook


Iruzkinak

Mesedez, sartu iruzkina utzi ahal izateko.

179
Kide

3
Jolasten

31
Online

Azken erantzunak

Iker Ibarguren May 22, 2020, 2:16 p.m.

Puuuuuuufffffa! zenbat gozatu (eta sufritu!!) nuen joko honekin.... Artikulu bikaina Lander!!
Lordraneko erreinutik galduta - Dark Souls gogora…

Lander Unzueta April 25, 2020, 2:21 p.m.

Ez dute preziorik aipatu, beraz ez dut uste doakoa izango denik jatorrizko jokoa free to play bezala kaleratu zuten arren...
Trackmania berria uztailaren 1ean argitaratuko du…

Erredakzioa April 4, 2020, 8:33 p.m.

Kaixo, zaila da plataforma guztientzat zerbait egitea. Txapelketa hau egiteko play station proposatu genuen, ustez FIFA20 salmenta gehiena plataforma…
Game Erauntsiak eta Gu ere Baik FIFA20 Euskal Lig…