Zein herrialde da etsairik ohikoena indarkeriazko bideojokoetan?

Urtzi Odriozola | 2016/06/15 16:11 BerriakArtikuluakAiaraldea



The Washington Post agerkariak AEBetan eginiko ikerketa batean argi adierazten du bideojokoek edota pelikulek pertsonen mundu ikuskera alda dezaketela. Estatu Batuetako helduen %40k baino gehiagok du bideojokoren bat etxean eta beste askok mugikorrean jolasten dute. Ez da, beraz, asko esatea jokoek kontuan hartzeko eragina dutela. Baina, ikerketa harago joan da.

2001-2013 urte bitartean sorturiko eta 1.5 milioi unitatetik gora saldutako 57 bideojoko aztertu dituzte. “Call of Duty” edota “Halo” serieko jokoak horren adibide. Joko horietako etsaiak taldeetan sailkatu dituzte: gizakiak orokorrean,  alienak, munstroak (zonbiak barne), Ekialde Hurbileko edo Latino Ameriketako terroristak, errusiarrak, ultra-nazionalistak (edo separatistak), 2. mundu gerrako etsaiak eta besteak (Irak eta Ipar Korea barne).

Emaitzak ikaragarriak dira. Baina harritzen al gaituzte? Errusiarrak dira jokoen %21ean etsai ohikoenak (12 jokotan), gizakiak orokorrean baino joko bat gutxiagotan (13 jokotan) eta estralurtarrak baino joko bat gehiagoan (11 jokotan). Latinoamerika (6 jokotan) eta Ekialde Hurbila (5 jokotan) biak batera kategoria berdinean sartuta ere, Errusia etsai nagusitzat duten jokoak gehiago dira.

Egunkariak aipatzen duenez, Gerra Hotzaren eraginaren olatuak segida omen du oraindik eta Errusiak Mendebaldearekin harremanak haustearekin eta Ukrainia edota Sirian duen parte-hartzearekin lotzen du joera hau.

Artikulu hau aiaraldea.eus hedabidean ere argitaratu zen.

Game Erauntsia facebook


Iruzkinak

Mesedez, sartu iruzkina utzi ahal izateko.

170
Kide

3
Jolasten

26
Online

Azken erantzunak

Lander Unzueta Oct. 3, 2019, 11:53 a.m.

Aupa, eskerrik asko testua argitaratzearren! Azkenaldian denbora faltagatik analisiak idazteari utzi izan diot, baina ea pixkanaka-pixkanaka berriz e…
Metroidvania guztien erregea - Hollow Knight

Urdinberde Feb. 10, 2019, 7:47 p.m.

eta astirik baduzue hyrule warriors, tingles rupee land, tingles baloon trip of love, links crossbow training eta navi trckers. Eta batenbat ahaztu…
Zeldaren kondaira euskaratu dugu

Urdinberde Feb. 10, 2019, 7:41 p.m.

oso ona, orain itzuli zelda 2: links advesnture, zelda a link to the past, zelda link awekenin, zelda orocle ages eta season, zelda: ocarina of time,…
Zeldaren kondaira euskaratu dugu

Igor Okina Feb. 3, 2019, 2:58 p.m.

Estrategia zale bezala, esan biharra daukat zerrenda horretako ia bat be ez jatela interesatzen (akaso Cyberpunk 2077, baña ez dot uste 2019 irtengo …
Onena etortzear dago: eta 2019an zer?