Abantailak desabantaila bilakatzen: Firewatch eta Steam Refunds

Xabi | 2016/02/23 21:00 BerriakArtikuluakEztabaida



Jokalariok ahal bezain gutxi ordaintzea atsegin dugula ez da harritzen gaituen ezer. Beherapenak nonahi topa ditzakegu, jokoak interneten merke aurkitzeko aukera dugu beti, bundle edo key orrialdeei esker. Hori dela eta, ez da harritzekoa beti zentimoak zenbatzen aritzea, ahal bezain beste joko erosi ahal izateko prezio erakargarri batean.

Dena den, bada beti gauzak bere onetik ateratzen duenik ere. Eta oraingoan, Firewatch indie jokoaren kontura egin dituzte bereak Steameko erabiltzaile batzuk.

Firewatch

 

Steamen edozein joko itzultzeko aukera ematen hasi zen duela hilabete batzuk, baldintza gutxi batzuk betez gero, beti ere: eroste datatik hasita, bi asteko epea dago itzulpena eskatzeko, eta gehienez bi ordu jolastu daitezke eskaera egin aurretik (jokoa badabilela eta espero genuena dela probatzeko nahikoa denbora izanik hau). Bigarren baldintza honen ondorioz heldu da polemika gure artera oraingoan, hain zuzen ere.

Hainbat jokalarik jakinarazi du Firewatch jokoa ahal bezain azkar jolastu duela, bere ohiko 5 orduen ordez bi ordu eskasetan amaitu ahal izateko, honela ordaindutakoa berreskuratzeko aukera izan dezaten. Honela jokoaren erritmoa guztiz aldatzen dute, berez eskaintzen duen esperientzia lasaia lasterketa larri batean bilakatzen duelarik. Ingelesez “pacing” deritzona jokoaren erritmoa da funtsean, eta diseinuaren zati oso garrantzitsu bat da, estilo grafiko edo musika izan daitezkeen bezalaxe.

Ondorioz, jokalari horiek ez dute benetako esperientzia bizitzen, sortzaileek diseinaturiko esperientzia bera. Baliteke inork esajeratzen ari naizela pentsatzea, baina inori otuko al zitzaion blu-ray formatuan erosi berri duen film bat abiadura bikoitzean ikustea?

Firewatch

 

Guzti honetan penagarriena? Erabiltzaile horietako askok esan dutela jokoa izugarri gustatu zaiela, eta hala ere dirua bueltan eskatu dutela, jokoa era tamalgarrian jolastu ondoren garatzaileari zentimo bat ere ez emanez. Ulergarria da 20 euro bi aldiz pentsatzeko modukoa izatea, baina diru hori gastatu nahi ezean, beherapenen baten zain egotea litzateke komenigarriena, jokoaz bere horretan gozatu eta garatzaileei merezi duten saria emanez.

Ea noiz hasten garen ulertzen jokoak egiteko esfortzu ikaragarria egiten dutela sortzaileek, zer esanik ez hauek indie estudio bat badira…

Game Erauntsia facebook


Iruzkinak

Mesedez, sartu iruzkina utzi ahal izateko.

163
Kide

2
Jolasten

26
Online

Azken erantzunak

Urdinberde Feb. 10, 2019, 7:47 p.m.

eta astirik baduzue hyrule warriors, tingles rupee land, tingles baloon trip of love, links crossbow training eta navi trckers. Eta batenbat ahaz...
Zeldaren kondaira euskaratu dugu

Urdinberde Feb. 10, 2019, 7:41 p.m.

oso ona, orain itzuli zelda 2: links advesnture, zelda a link to the past, zelda link awekenin, zelda orocle ages eta season, zelda: ocarina of tim...
Zeldaren kondaira euskaratu dugu

Igor Okina Feb. 3, 2019, 2:58 p.m.

Estrategia zale bezala, esan biharra daukat zerrenda horretako ia bat be ez jatela interesatzen (akaso Cyberpunk 2077, baƱa ez dot uste 2019 irteng...
Onena etortzear dago: eta 2019an zer?

Iker Ibarguren Jan. 25, 2019, 9:08 a.m.

demoa probatu nuen aurrekoan eta urteetan atzera egin nuen... lehen aldiz joko hau bera jokatu nuen unera... a zer ohiuak!! ;)))))))
[AURRERAPENA] Resident Evil 2

Urtzi Odriozola Sept. 30, 2018, 11:09 p.m.

Kaixo!! Pozten gara!! Lanean jarraitzeko indarrak ematen dizkigu honelako erantzunak ikusteak! Mila esker!
'Wonder Boy': klasiko baten gaurkotze arrakasta...