Gearbox-en tiro joko eroa datorren urtean helduko da PC, PS5 eta Xbox Series plataformetara.

The Game Awards ekitaldiko iragarpenen artean Borderlands 4 ikusi dugu. Gearbox estudioak Gamescom azokan iragarri zuen tiro jokoaren laugarren atala: orain, lehen irudiak erakutsi ditu.

Atal grafiko eraberrituarekin, baina cel shading estilo koloretsua mantenduta dator. Lau ganbera ehiztariren artean aukeratuko dugu berriz, “mila milioika” arma derberdin hartuta tiroketa ikaragarrietan parte hartzeko.

Zelan ez, armategia misioak gaindituz zein arerioak akabatuz eskuratuko dugu: ausazko konbinazioak eta aukerak dira nagusi, edozein erokeria egin ditzaketen pistolak, eskopetak edo fusilak sortuz.

2025ean argitaratu gura dute Gearboxetik egungo belaunaldiko plataformetarako: PC, PlayStation 5 eta Xbox Series gailuetan argitaratuko da Borderlands 4.