Switch 2rako iragarpena PCko eta PlayStation-eko bertsioekin batera egin du Toby Fox garatzaileak.

Deltarunen 3. eta 4. atalak ekainaren 5ean argitaratuko ditu Toby Fox egileak.

Undertale maitatuaren jarraipenak 2018. urtean argitaratu zuen lehen atala; bigarrena, berriz, 2021ean jokatu genuen. Bi atal berriak aurten iritsiko zirela jakitera eman zuen Foxek joan den urte bukaeran; Nintendo Direct aurkezpenean, berriz, Switch 2rako bertsioa edukiko dutela ezagutzera eman du.

Nintendoren kontsola berrirako Deltarunez gain, Switch originalean, PlayStation kontsoletan eta PCan ikusiko ditugu atal guztiak. Bideoan Undertalen unibertso paraleloan kokatzen den abenturaren irudi berriak ikusi ditugu: heroien taldea osatuko dugu, beste behin, JRPG mekanikak dibertigarriak bizitzeko eta mundu aberatsa esploratzeko.

Datozen atal berriak ordainpekoak izango dira, baina lehena nahiz bigarrena doan joka ditzakegu PC, Switch eta PS4 gailuetan. Erakutsitako maila bikainarekin, zaleak desiratzen daude istorioaren jarraipenaz gozatzeko.

Hori bai, Deltarune ez da laugarren zatiarekin bukatuko: guztira zazpi atal prestatzeko asmoa dauka egileak.

Deltarune chapters 1+2+3+4 ekainaren 5ean estreinatuko da Nintendo eta PlayStation kontsoletan nahiz ordenagailuetan.