Txandakako JRPG abentura prestatzen ari da Bandai Namco beste behin. Aurten estreinatuko da PS5, Xbox Series nahiz PC gailuetan.

Digimon zaleek ospatzeko albistea jaso dute. Digimon Story Time Stranger iragarri du Bandai Namcok State of Play-ean: JRPG abentura izango da.

Oraingoan munstro digitalen frankizia bete-betean indartzeko asmoa dutela dirudi. Tokioko gune ezagunak zein mundu digitala bisitatuko ditugu gure piztiekin: ohi bezala, txandakako borrokak nahiz RPG mekanikak uztartuko dituzte.

Agumon, Garurumon, Patamon, Gomamon, Kuwagamon edo Omegamon boteretsua ageri dira, besteak beste, iragarpen trailerrean. Denboran bidaiak egongo direla dirudi oraingoan: izenburuarekin batera “patua eraldatzeko” ahalmena aipatzen da.

Digimon Story saga Nintendo DS kontsolan jaio zen; 2015eko Cyber Sleuth da bere atalik ezagunena, Japoniatik atera ondoren plataforma nagusi guztietan kaleratu baitzen.

Digimon Story Time Stranger aurten kaleratuko da: PlayStation 5, Xbox Series eta PC gailuetan jokatuko dugu.