EVOko presidentearen aurka jarritako salaketen ondorioz bertan behera geratu da borroka jokoen txapelketa

Lander Unzueta | 2020/07/06 11:00 Berriak



Bideojokoen garatzaileak txapelketatik urrundu dira. Joey Cuellarrek ez du jarraituko EVOko presidentetzan.

Koronabirusak eragindako egoeragatik EVO borroka bideojokoen munduko txapelketarik garrantzitsuena formatu digitalera igaro ondoren, EVO Online lehiaketa bertan behera uztea erabaki dute arduradunek. Erabakia ekimenaren presidentearen aurka jarritako salaketengatik hartu dutela iragarri du EVOk.

Joey Cuellarrek eduki du orain arte ekimenaren presidente kargua. Adingabe bati egindako sexu abusuen ondorioz EVOko arduradunek Cuellar presidentetzatik kentzea erabaki dute.

Salaketa ikusita, txapelketan parte hartzen zuten Capcom, NetherRealm edota Bandai Namco bezalako garatzaileek beraien bideojokoak EVOtik aterako dituztela adierazi dute; txapelketaren arduradunek gertakariengatik barkamena eskatu eta ekimena bertan behera utzi dute garatzaileen erantzuna entzun ondoren.

“Harrituta eta tristetuta gaude gertakari hauengatik, baina kritikei jaramon egiten gabiltza eta EVO hobetzeko egin beharreko aldaketa guztiak egiteko prest gaude”, aldarrikatu dute ekimenaren erantzuleek. Cuellar presidentetzatik kenduta, lehendakari berria Tony Cannon izango dela azpimarratu dute.

EVO Online bertan behera geratuta, sarrera digitalak erosi dituztenei dirua itzuliko dietela adierazi dute; bildutako diruaren baliokidea Project HOPE gobernuz kanpoko erakundeari emango diote.

Game Erauntsia facebook


Iruzkinak

Mesedez, sartu iruzkina utzi ahal izateko.

179
Kide

4
Jolasten

33
Online

Azken erantzunak

Iker Ibarguren May 22, 2020, 2:16 p.m.

Puuuuuuufffffa! zenbat gozatu (eta sufritu!!) nuen joko honekin.... Artikulu bikaina Lander!!
Lordraneko erreinutik galduta - Dark Souls gogora…

Lander Unzueta April 25, 2020, 2:21 p.m.

Ez dute preziorik aipatu, beraz ez dut uste doakoa izango denik jatorrizko jokoa free to play bezala kaleratu zuten arren...
Trackmania berria uztailaren 1ean argitaratuko du…

Erredakzioa April 4, 2020, 8:33 p.m.

Kaixo, zaila da plataforma guztientzat zerbait egitea. Txapelketa hau egiteko play station proposatu genuen, ustez FIFA20 salmenta gehiena plataforma…
Game Erauntsiak eta Gu ere Baik FIFA20 Euskal Lig…