Iristear da Gipuzkoa Encounterren 9. edizioa eta bertaratzeko izen ematea ere ireki dute dagoeneko. Ohi bezala Tolosak hartuko duen festa honetan, arte digitala, jokoak, software librea, hardwarea eta bestelako jarduerak izango dira martxoaren 13tik 15erako egun horietan. Gogoratu baita erreserba egiteko eguna otsailaren 5ean 10etan irekiko dela. Bizkor ibili beraz!



Game Erauntsia ere talde bezala bertaratzeko asmotan dago eta nahi duena gurekin etortzera animatzen dugu! Taldeko kamisetak eta bestelako osagarriak ere egingo ditugu Game Erauntsiak behar bezalako ordezkaritza izan dezan. Gipuzkoaencounter.org helbidean behar bezala izena eman ostean gure taldean sartzeko bidali mezu pribatu bat ikerib edo urtzai-ri eta egingo ditugu beharrezko tramiteak ;)