Nintendo Switch 2aren Direct aurkezpenean desagertuta ibilitako metroidvania abenturaren bideo motza eskaini digute.

Hollow Knight: Silksong 2025ean argitaratuko da. Team Cherry australiarrak 2019an iragarritako bideojoko desiratuaren eguneraketa eskaini digu.

Ez dago esateko besterik. Nintendo Switch 2aren Direct emanaldian erakutsitako bideojokoen artean agertu da Silksong, labur-labur, 2025ean kaleratzeko asmoa zehaztuz.

Hornet protagonistaren bideojokoaren irudi berri gutxi batzuk ikusi ditugu, behintzat. Silksong horrenbeste urtez garapenean dago, baina ez dirudi arazorik edo oztoporik dagoenik; izan ere, garatzaile taldea hiru pertsonaz osatuta dago.

Polemikarik handienak isilpean egotetik datoz. Team Cherryk elkarrizketa gutxi batzuk eskaini ditu hedabideen aurrean azken urteotan, argitalpen data beti ezkutatuta mantenduz.

Dena ondo badoa, beraz, aurten jokatuko dugu. Hollow Knight: Silksong Nintendo, PlayStation eta Xbox kontsoletan nahiz PCan estreinatuko da.