Intel Extreme Masters: eSport-en ekitaldi nagusia

Haritz Odriozola | 2018/02/23 10:00 Berriak



Kirol elektronikoen, eSport bezala ezagunak, ikuskizunak etengabeko hazkundea ari dira jasaten, gutxi batzuen praktika bat izatetik hainbat kirol tradizionalen baino zenbaki hobeagoak lortzeraino. Bide hau jorratzen lagundu duten aktoreak asko izan dira, baina garrantzitsuenetako bat zalantzarik gabe Intel Extreme Masters (IEM) izan da. Intel elektronika osagaien markak babestuta, hainbat bideojoko ezberdinen txapelketak biltzen dituen ekitaldiak egiten dira munduko hainbat puntu ezberdinetan.

Ekitaldi hauen artean ezagunena IEM Katowice dugu, Poloniako Katowice hirian antolatzen dena 6. urtez jarraian, Spodek Arena pabiloian hain zuzen ere. Aurreko urteko zenbakiek argi uzten dute ekitaldi honen magnitudea, 173.000 zaletu estadiotik pasa ziren ekitaldiak irauten duen 2 aste bukaeretan (2016-arekiko 60.000 zaletu gehiago) eta online bidez jarraitu zutenak berriz 46 milioi ikusle baino gehiago (2016-a baino %35 gehiago) izan ziren, 19 hizkuntza ezberdinetan ikusi ahal izan zutelarik.

 

 

Aurtengo edizioa otsailak 24-25 eta martxoak 2-4 artean izango dugu eta inoiz baino jolas gehiago izango ditugu ikusgai. Horietatik ikuskizun gehiena sortzen duena, lehen astebukaeran jokatuko dena eta inkorporazio berritzat jo daitekeena, League of Legends ordezkatzeko intentzioarekin, DOTA 2-aren txapelketa da. Saritan guztira 1.000.000$ eta The International 2018-rako (DOTA 2-aren txapelketa garrantzitsuena) 1500 kalifikazio puntu daude jokoan eta berau eskuratzea nahiko dutenen artean Team Liquid, Team Secret, Newbee, Vici Gaming, OG Dota2, Virtus Pro edo Evil Geniuses bezalako puntako taldeak daude.

Lehen aste bukaeran ere beste jolas batek egingo du debuta IEM Katowice-n, aski ezaguna den PlayerUnknown’s Battlegrounds-ek (PUBG) hain zuzen ere. 8 erronda jokatuko dira, 4 aste bukaera osatzen duten egun bakoitzean eta puntuazio sistema baten bidez erabakiko da nor den garailea. Txapelketa honetako sari-poltsa txikiagoa izango da, 50.000$ izango baitira, normala dena jolasak eSport-en munduan daukan ibilbide hain motza ikusirik. Halere guztia emango dute parte hartuko duten launakako 16 taldeek, non Team Solo Mid, Faze Clan, Method, Tempo Storm, Cloud 9 edo Noble bezalako taldeak dauden.

 

 

Geratzen diren 2 jolasen txapelketak otsailak 26-tik martxoak 4 tartean gauzatuko dira. Counter-Strike: Global Offensive (CS:GO) eta StarCraft 2 (SC 2) izango dira egun hauetako protagonistak, sari-poltsa potoloak dituztelarik biek, 500.000$ eta 400.000$ hurrenez hurren. CS:GO-ri dagokionez, mundu mailako 16 talde onenak izango ditugu bertan: Astralis, Faze Clan, Cloud 9, SK Gaming, Virtus Pro, G2, Ninjas in Pyjamas, etab.

SC 2-aren txapelketa 12 jokalariren artean erabakiko da. Partidak BO5 (5 partidatatik onena) formatuan jolastuko dira, finala izan ezik BO7 (7 partidatatik onena) izango baita. Sariaren bila ibiliko direnen artean mundu mailan top diren jokalariak ikusteko aukera izango dugu: SoS, Rogue, INnoVation, Dear, Classic, Nerchio etab.

 

 

eSport zaletuek badute hitzordua hurrengo egunetarako, seguru jokaldi bikainez eta sorpresaz beteriko txapelketa izango baita. Mundu hau ezagutzen ez dutenentzat aldiz aukera hobe ezina da ekitaldi hauetan bizitzen den giro paregabea eta lehia bizia ezagutzeko. Txapelketa ESL kateak emititu ohi izaten du eta Twitch online plataforman emititzen ohi du.

Game Erauntsia facebook


Iruzkinak

Mesedez, sartu iruzkina utzi ahal izateko.

171
Kide

2
Jolasten

31
Online

Azken erantzunak

Lander Unzueta Oct. 3, 2019, 11:53 a.m.

Aupa, eskerrik asko testua argitaratzearren! Azkenaldian denbora faltagatik analisiak idazteari utzi izan diot, baina ea pixkanaka-pixkanaka berriz e…
Metroidvania guztien erregea - Hollow Knight

Urdinberde Feb. 10, 2019, 7:47 p.m.

eta astirik baduzue hyrule warriors, tingles rupee land, tingles baloon trip of love, links crossbow training eta navi trckers. Eta batenbat ahaztu…
Zeldaren kondaira euskaratu dugu

Urdinberde Feb. 10, 2019, 7:41 p.m.

oso ona, orain itzuli zelda 2: links advesnture, zelda a link to the past, zelda link awekenin, zelda orocle ages eta season, zelda: ocarina of time,…
Zeldaren kondaira euskaratu dugu

Igor Okina Feb. 3, 2019, 2:58 p.m.

Estrategia zale bezala, esan biharra daukat zerrenda horretako ia bat be ez jatela interesatzen (akaso Cyberpunk 2077, baña ez dot uste 2019 irtengo …
Onena etortzear dago: eta 2019an zer?