New World-en jokalarien zenbatekoa erdira jaitsi da azken hilabetean

Lander Unzueta | 2021/11/02 10:30 Berriak



Amazon-en MMORPG abenturak estreinaldia 900.000 jokalari batu zituen. Steam-eko laugarren lanik jokatuena da orain.

Sekulako estreinaldia lortu ondoren, New World arrakastatsuaren zenbakiak behera doaz: Amazonen bideo-jokoaren jokalarien zenbatekoa erdira murriztu da argitaratze egunetik hilabetera. Steam Charts webgunean ikus daitekeenez, MMORPGak aldi berean 913,027 jokalari batzea lortu zuen; orain, 357,188 erabiltzaile ditu egun berean.

Steameko estreinaldirik onenetakoa edukitzea lortu zuen New Worldek. Argitaratzerakoan 707.230 jokalari bildu zituen, Valve-koen plataformako bigarren obrarik jokatuenean bilakatuz, Counter-Strike Global Offensive-n atzetik. Une honetan laugarren postuan dago, baina: Dota 2 eta PUBG: Battlegrounds ezagunek gainditu dute jada. Izan ere, astero 135.000 jokalari inguru galtzen joan da Amazon Game Studios garatzailearen online jokoa.

Alde batetik, ez da harritzekoa: New Worldek hainbat arazo eduki ditu argitaratu zenetik, eta jokalari asko gogaiturik daude. Zerbitzarietara sartzeko itxaronaldi luzeak, hilezinkortasun akatsak, urre kopurua bikoizteko bug-ak, jokalariak zerbitzaritik ezabatzeko txat mezuak eta askoz gehiago nabarmentzen du jokalarien komunitateak.

Horiek konpontzeko lanean dabiltza arduradunak: esate baterako, urre bikoizketa ekiditeko jokalarien arteko transferentziak desgaitu dituzte. “Amarru hau erabiltzen duen edozein jokalari zigortuko dugu”, adierazi dute. Hurrengo eguneraketak ahalbidetuko dituzte berriz bai jokalarien arteko, bai gremio arteko transferentziak.

Game Erauntsia facebook


Iruzkinak

Mesedez, sartu iruzkina utzi ahal izateko.

223
Kide

1
Jolasten

22
Online

Azken erantzunak

lowena Jan. 13, 2024, 1:02 a.m.

Eastward originala bikaina izango luke euskaraz, nere ustez :3
Persiako printzea, Hawaiiko yakuza-k eta Tekken t…

muturbeltz Nov. 28, 2023, 3:30 p.m.

Lehenago switchean pasa det baina berriz pasatzeko gogoa ematen didate zure itzulpenek. Eskerrik asko lanagatik.
Mendi Zerutiarra: Celeste-ren igoeraz euskaraz go…

Ibai Aizpurua Nov. 20, 2023, 1:35 p.m.

Artikulu ederra!!! Neretzat urteko asteburu hoberena izan da! Mila esker denei!
Euskal Game Jam ekimenak euskal bideojoko sortzai…

lowena Nov. 1, 2023, 7:29 a.m.

Euskarazko pokemon joko bat jolasteko aukera izatea espero dut egunen batean!
Pokedex-a euskaratzeko proiektuak 251 sakelako mu…