Out of Sync aurkeztu dute Main Loop taldeko bilbotarrek

Lander Unzueta | 2026/11/17 10:00 BerriakEuskal jokoakPCPS5SwitchXbox Series



Survival horror klasikoen ideiak komikien estetikarekin elkartuko ditu 2027 bukaeran: PCan zein kontsoletan kaleratuko dute.

Main Loop estudio bilbotarrak, Relevo Games beteranoarekin elkarlanean, Out of Sync aurkeztu du. Beldurraren generora itzuliko dira berriz, Submersed jokoen antzeko premisa berreskuratuta.

Resident Evil klasikoengana joko dute, oraingoan, survival horror originalen jokagarritasuna, puzzleak eta mekanikak hartuta; aldi berean, 60ko hamarkadako zientzia-fizkiozko komikien estetika erabiliko du bideojokoak, zuri-beltzezko binetekin interfazeak eta menuak eratuta —XIII tiro joko mitikoak egin antzeran—.

Munstro biomekanikoek hartutako espazio ontzia esploratzea eta ikertzea izango dira Sara protagonistaren helburuak, galdutako tripulazioaren bila ari dela. Lehen RE jokoetan egin bezalaxe, objektu bitxiak aurkituko ditugu gela desberdinetan: hauek puzzleak gainditzeko erabiliko ditugu, sarritan objekutok ikertu edo batu behar izanik. Gela batetik bestera, baina, izaki beldurgarriei aurre egin beharko diegu, kontu handiz, munizio eta arma eskasia nagusitzen baita ontzian, baita partidak gordetzeko beharrezkoak ere.

Egileen arabera, RPG jokoen ideiak ere hartu dituzte: gure protagonista hobetzeko eta pertsonalizatzeko bideak edukiko ditugu, jokagarritasuna eraldatuta. Mugitzerakoan, zelan ez, tanke kontrolak dira ardatz, retro estiloko abentura proposatzea baita asmoa.

PCan zein egungo PlayStation, Nintendo eta Xbox kontsoletan jokatuko dugu Out of Sync. Main Loopen arabera, 2027ko azken hiruhilekorako prest egongo da.

Game Erauntsia facebook


Iruzkinak

Mesedez, sartu iruzkina utzi ahal izateko.

Steam

Game Erauntsia

251Kide
2Jolasten
49Online

Jarraitu Steam taldea

Azken erantzunak

Lander Unzueta
Kaixo, Daflipat! Tamalez, oraingoz ez: nahiz eta GNU/Linux oinarri duen, SteamOS ezin daiteke euskaraz jarri. Agian mahainguruko ingurunea euskara…
Steam Machine, Steam Frame eta Steam Controller 2…
Daflipat
Kaixo! Badakizue SteamOS sistema eragilea euskaraz erabiltzerik dagoen? Eta euskaraz ez balego, euskaratzeko modurik legokeen? Eskerrik asko zuen l…
Steam Machine, Steam Frame eta Steam Controller 2…
Damian
Hartuta! Probatzeko goguakin. Zaharra probatu eta immertsioa haundixa zan. Hola are gehixau!
S.T.A.L.K.E.R.: Legends of the Zone bildumak tril…
Damian
Begiratu kickstarterra! Itxura bikaina eta joko mota hau gustoko duenarentzat aukera ona!
Prelude Dark Pain-ek Kickstarter kanpaina arrakas…
eZpata_10
Mila esker benetan, Outer Wilds euskaraz jokatzea zoragarria izan da :D
Outer Wilds eta bere DLC-a, euskaratuta