Enpresa japoniarrak Amerikako Estatu Batuetako herritarren protestengatik hartu du erabakia.

Ekainaren 4an egitea aurreikusita zegoen Playstation 5eko lehen bideojokoen aurkezpena bertan behera geratu da. Oraindik zehaztu gabeko egun batera atzeratu da ekimen digitala.

Amerikako Estatu Batuetako herritarrek eragindako protesten ondorioz hartu du erabakia enpresa japoniarrak. "Badakigu mundu guztiko jokalariak Playstation 5eko jokoak ikusteko zain daudela", adierazi du Sonyk Twitter bidez. "Ez da ospakizunetarako ordua, albo batera geratu eta beste ahots garrantzitsuago batzuk entzuteko unea baizik".