Lo Wang hiltzailea datorren urtean itzuliko da Shadow Warrior 3rekin

Lander Unzueta | 2020/07/08 11:00 Berriak



Flying Wild Hog eta Devolver Digitalek tiro joko zoroaren teaserra aurkeztu dute.

Orain egun batzuk sareetan bideojoko berriari buruz hitz egiten hasi ondoren, Shadow Warrior 3 ofizialki iragarri dute Flying Wild Hog garatzaileak eta Devolver Digital banatzaileak.

Iragarpena teaser trailer baten bidez egin dute; gameplaya ikusteko itxaron egin beharko den arren, bideo zinematikoak mekanika berriak aipatu ditu. Horien artean daude, esaterako, hormetatik lasterka egiteko ahalmena edota gako berria.

Bigarren bideojokoaren bukaeran ikusitako gertakariak jarraituko ditu bideojokoak; Lo Wangen itzulera beti bezain odoltsua izango da. Teaserrean ez dute plataformarik zehaztu, baina Shadow Warrior 3 PCan eta belaunaldi berriko kontsoletan ikusiko dugu ziur aski.

Dena dela, laster izango ditugu tiro jokoaren berriak: Devolver Digitalek larunbatean egingo duen aurkezpenean lehen gameplay bideoa erakutsiko dute garatzaileek.

Game Erauntsia facebook


Iruzkinak

Mesedez, sartu iruzkina utzi ahal izateko.

179
Kide

4
Jolasten

35
Online

Azken erantzunak

Iker Ibarguren May 22, 2020, 2:16 p.m.

Puuuuuuufffffa! zenbat gozatu (eta sufritu!!) nuen joko honekin.... Artikulu bikaina Lander!!
Lordraneko erreinutik galduta - Dark Souls gogora…

Lander Unzueta April 25, 2020, 2:21 p.m.

Ez dute preziorik aipatu, beraz ez dut uste doakoa izango denik jatorrizko jokoa free to play bezala kaleratu zuten arren...
Trackmania berria uztailaren 1ean argitaratuko du…

Erredakzioa April 4, 2020, 8:33 p.m.

Kaixo, zaila da plataforma guztientzat zerbait egitea. Txapelketa hau egiteko play station proposatu genuen, ustez FIFA20 salmenta gehiena plataforma…
Game Erauntsiak eta Gu ere Baik FIFA20 Euskal Lig…