Super Mario Bros. 35 doako battle royalea kaleratu du Nintendok Switcherako

Lander Unzueta | 2020/10/14 11:00 Berriak



Switch Online zerbitzuaren erabiltzaileek jokatu dezakete. Martxoaren 31ra arte eskuratu ahalko da.

Nintendok Marioren 35. urteurreneko aurkezpenean iragarri zuen Super Mario Bros. 35 bideojokoa. 8-bit erako Super Mario Brosen itxurarekin egindako lana orain arte ikusitakoaren guztiz desberdina da: battle royale bideojokoa garatu dute N Handikoek.

35 jokalari ariko dira batera Super Mario Bros. 35eko partidetan. Jokalari batek arerio bat akatzean beste partaide batengana bidaliko du. Faltan dagoen denbora argi eduki beharko da: etsaiak zanpatzean segundoak irabaziko dira, baina horien truke etsaiak beste jokalariei bidaltzea izango dute jokalariek. Bizirik geratzen den azken Marioa izango da garailea.

Txanponak oso garrantzitsuak izango dira. Batutakoekin indartzaile bereziak lortuko dituzte 35 Marioek: izarrak edota suzko loreak eskuratzeko bidea izango dira.

Tetris 99 jokoan gertatu modura, erronka bereziak gehitzen joango dira SMB 35era. Horiek iraunkortasun mugatua edukiko dute.

Super Mario Bros. 35 doakoa da: Nintendo Switch Online harpidetza zerbitzuko erabiltzaileek dohainik jaitsi dezakete eShopetik. Marioren 35. urteurrenerako sortutako bideojoko berezia izanik, urriaren 1etik hasita martxoaren 31ra arte jokatu ahalko da; ordutik aurrera jokoa ezabatu egingo du Nintendok.

Game Erauntsia facebook


Iruzkinak

Mesedez, sartu iruzkina utzi ahal izateko.

182
Kide

3
Jolasten

31
Online

Azken erantzunak

Iker Ibarguren May 22, 2020, 2:16 p.m.

Puuuuuuufffffa! zenbat gozatu (eta sufritu!!) nuen joko honekin.... Artikulu bikaina Lander!!
Lordraneko erreinutik galduta - Dark Souls gogora…

Lander Unzueta April 25, 2020, 2:21 p.m.

Ez dute preziorik aipatu, beraz ez dut uste doakoa izango denik jatorrizko jokoa free to play bezala kaleratu zuten arren...
Trackmania berria uztailaren 1ean argitaratuko du…