Ubisoftek baieztatu du azaroak 20rako Watch Dogs jokoa WiiU plataforman argia ikusiko duela. Konpainiak jokoaren itxura  erakusten duten hainbat argazki kaleratu ditu, bereziki grafikoei dagokionez.

Jokoak baina ez ditu momenturarte argitaratu diren deskargableak edukiko, hau da, beste kontsoletan kaleratu diren hauek. Baina honen konpentsazio modura beste eduki deskargable propioak izango dituela zehazten da.

WiiU-rako egokitzapen hau Ubisoft Bucharestek eraman du aurrera Ubisoft Montrealekin lankidetzan (jokoaren sortzaile originalak). Adaptazio honek, logikoa den bezala, WiiUk eskaintzen dituen abantailak aprobetxatzen ditu, hots, Gamepad-a. Honen abantailetako bat Off-TV aukera dugu, telebista itzaliz mandoarekin jolastea ahalbidetzen duena telebista erabili gabe. Era berea, telebistarekin jokatzea erabakitzen badugu, gamepad-a Chicagoko mapa interaktibo modura erabili ahal izango dugu.

Jokoa esan bezala, azaroaren 20an aterako da naiz eta AEBn jada kalean dagoen, eta ondorioz Youtuben hainbat bideo ikusgarri daude. Hala hainbat bideo uzten dizkizuegu, ikus dezazuen jokoak zein itxura duen.


Halaber, online jolasteko aukera ere bada, hona hemen:

Ubisoftek jasan dituen kritika guztien erdian Nintedoren kontsolarako jokoa ateratzen du. “Port” hau ondo egina egongo da edota Ubisoftek kritikak jasotzen jarraituko al du? Egia esanda interesagarri izan daiteke ikustea nola ateratzen dion zukua jokoak gamepad-ari, dirudienagatik baina, nahikoa mugatua izango da.