Wheel World uztailaren 23an plazaratuko du Annapurna Interactive-k

Lander Unzueta | 2025/06/10 12:00 Berriak



Txirrinduan lasterketak bizitzera eramango gaitu. Esploratzeko mundu zabala eta xarmagarria ikusiko dugu.

Annapurna Interactivek Wheel World uztailaren 23an argitaratuko dela jakitera eman du.

Messhof garatzaileak txirrindularitza bideojokoa proposatuko digu… baina ez edonolakoa. Txirrindu magikoa gidatuko dugu Wheel Worlden, eta unibertsoa salbatzeko bidaia hasiko dugu berarekin.

Bizikletan esploratzeko mundu irekia ikusiko dugu. Brutal Legend mitikoaren antza daukala esan daiteke: txirrinduak jainkotzat hartzen diren kokalekuak eta kulturak ezagutuko ditugu, txoko berezi mordoarekin.

Hauetan, zelan ez, lasterketak biziko ditu Kat protagonistak. Sasoia kontrolatzeaz gain, turboari nahiz jauziei adi ibili beharko gara, bidezidor sekretuz eta bestelako lasterbidez josita baitaude zirkuituak.

Sekulako ibilgailua bada ere, apurtuta eta hondatuta jasoko dugu txirrindu magikoa abentura hasieran. Hau hobetzeko pieza desberdinak eskuratzen joango gara: gurpilak, eskulekuak, jesarlekuak eta bestelakoak lortuko ditugu, estatistika desberdinak hobetuz eta gure gustura aldatuz. Kondairako piezak biltzea izango da gure protagonistaren zeregin nagusia abenturan.

Umorez eta xarmaz gainezka egiten duen abentura izango da Wheel World: demoa probatzeko aukera eduki genuen, eta abentura bikaina argitaratzeko aukera handiak dituzte Messhofekoek.

PCan eta PlayStation 5 zein Xbox Series kontsoletan argitaratuko da Wheel World, esan bezala, uztailaren 23an.

Game Erauntsia facebook


Iruzkinak

Mesedez, sartu iruzkina utzi ahal izateko.

242
Kide

6
Jolasten

38
Online

Azken erantzunak

Damian 2025ko mai. 20a, 23:04

Hartuta! Probatzeko goguakin. Zaharra probatu eta immertsioa haundixa zan. Hola are gehixau!
S.T.A.L.K.E.R.: Legends of the Zone bildumak tril…

Damian 2025ko mai. 8a, 10:43

Begiratu kickstarterra! Itxura bikaina eta joko mota hau gustoko duenarentzat aukera ona!
Prelude Dark Pain-ek Kickstarter kanpaina arrakas…

eZpata_10 2025ko mai. 5a, 20:01

Mila esker benetan, Outer Wilds euskaraz jokatzea zoragarria izan da :D
Outer Wilds eta bere DLC-a, euskaratuta

Ibai Aizpurua 2025ko api. 3a, 00:14

Azkeenan 10 urte baina gehiagoren ondoren Mario kart berria BENETAN! Mundu irekia eta modu dexenterekin! Hori bai, 90€ fisikoan... Nintendori Wii U-a…
Mario Kart World mundu irekia eskaintzera dator S…