Orain arte lainoko obra zehatzak soilik eskaintzen zituzten; eguneratzearekin 50 bat titulu inplementatu dituzte zerbitzu berrian.

Xbox Game Pass Ultimateko erabiltzaileek aldez aurretik erositako bideojokoak streameatzeko aukera daukatu orain. Xbox Cloud Gaming ezaugarriaren azken beta bertsioak norbere tituluetan hodeitik jokatzeko gaitasuna dakar.

Liburutegian dauzkagun jokoak beste gailu batzuetan jokatu ahalko ditugu, modu horretara, lainoaren boterea™ erabilita: mugikorretan, tabletetan zein telebistetan erabil dezakegula nabarmendu dute Microsoft-etik.

Sakelekoen eta tableten kasuan, nabigatzailetik sartu beharko gara zerbitzura. Samsung markaren telebista adimentsuak, Amazon Fire TVa zein Meta Quest kaskoak aipatzen dituzte, besteak beste: hauetan hodeiko jokoaz gozatzeko Xboxen aplikazioa instalatu beharko dugu.

Ezaugarria aspaldi iragarritakoa zen —2019an—, eta Xbox Cloud Gamingen estreinaldiarekin batera jaso behar genuen. 2022an berriz kaleratzeko ahalegina egin zuten Xboxekoek, baina bertan behera geratu zen, "milaka jokorentzako azpiegitura prestatzeko" arazoak aldarrikatuz, gaur egunera arte.

Etorkizunean —betatik ateratzen denean, suposa dezakegunez— gailu erabilgarrien zerrenda zabalduko da. Alde batetik, Xbox kontsolak aipatzen dituzte: alegia, Xbox Series San zein Xbox One zaharrean kalitate grafiko handienarekin jokatzea ahalbidetuko dute. Bestetik, Windows-eko Xbox aplikazioan gehituko da ezaugarri berria, PCan ere aukera berberak eskainita.

 

Katalogoa hedatuz, baina mugekin

Betarekin Game Pass kanpoan aurkitzen diren gure jokoetako batzuk datoz lainora, baina ez guztiak: oraingoz 50 tituluko zerrenda baieztatu dute.

Hauek dira hodei bidezko streaming aukera jaso duten bideojokoak:

  • Animal Well
  • Assassin’s Creed Mirage
  • Avatar: Frontiers of Pandora
  • Balatro
  • Baldur’s Gate 3
  • Banishers: Ghosts of New Eden
  • Call of Duty: Modern Warfare II (2022)
  • The Casting of Frank Stone
  • Cyberpunk 2077
  • Dragon Quest III HD-2D Remake
  • Dredge
  • Dying Light 2 Stay Human
  • Farming Simulator 25
  • Fear the Spotlight
  • Final Fantasy XIV Online
  • Final Fantasy
  • Final Fantasy II
  • Final Fantasy III
  • Final Fantasy IV
  • Final Fantasy V
  • Final Fantasy VI
  • Hades
  • Harry Potter: Quidditch Champions
  • High On Life
  • Hitman World of Assassination
  • Hogwarts Legacy
  • House Flipper 2
  • Kena: Bridge of Spirits
  • Lego Harry Potter Collection
  • Life is Strange: Double Exposure
  • Metro Exodus
  • Mortal Kombat 1
  • NBA 2K25
  • PGA Tour 2K23
  • Phasmophobia
  • Prince of Persia: The Lost Crown
  • Rust Console Edition
  • 7 Days to Die
  • Star Wars Outlaws
  • Stray
  • The Crew Motorfest
  • The Outlast Trials
  • The Plucky Squire
  • The Witcher 3: Wild Hunt
  • Tom Clancy’s The Division 2
  • TopSpin 2K25
  • Undertale
  • Visions of Mana
  • Warhammer 40,000: Space Marine 2
  • WWE 2K24

AAA obrak zein indie tituluak aurkituko ditugu, beraz. Beste behin: hodei bidez gozatzeko ezinbestekoa izango da gure liburutegian erosita edukitzea zein Xbox Game Pass Ultimate harpidetza mailako harpideduna izatea.