Zelda: Majora's Mask 3D - Zerua buru gainera datorkigu berriz ere

Ander Intxaurrondo | 2014/11/06 12:20 Berriak



14 urte pasa dira "The Legend of Zelda: Majora's Mask" N64 kontsolan argitaratu zenetik, eta 3DS eramangarrirako remake bezala itzuliko da udaberrian.

Joko honetan, Link protagonistak sorginkeria bati egin beharko dio aurre: 72 ordutan ilargia Clock Town hiriaren aurka talka egingo du.

Joko honen mekanika oso berezia da, 72 orduak jokoaren ordubete dira. Ordubetean ezer gutxi egin dezakegu, eta trikimailu desberdinak erabili beharko ditugu denbora kontrolatzeko, hau motelduz, denboran atzera eta aurrera eginez.

Maskara desberdinak izango ditugu eskuragarri, eta hauek botere desberdinak emango dizkigute. Hauei esker ziega desberdinak bisitatu ahalko ditugu, eta ihesean dabiltzan herritarrei lagundu, sorginkeria apurtu ahal izateko.

Aspaldi zeramatzaten jokoaren zaleek remake bat eskatzen, eta urte batzuen ondoren, azkenean kasu egin diete. Bere garaian disfrutatu zutenek berriz ere gozatu ahalko dute joko honekin, eta inoiz jolastu ez dugunok aukerarik ez emateko aitzakiarik ez dugu orain ;-).

Joko hau Zelda sagako arraroena dela kontsideratzen dute askok, hainbat arrazoirengatik: daukan musika, maskara jartzean Linkek botatzen duen oihua, ilargiaren aurpegi beldurgarria,... Trailerra ikusi besterik ez dago ikusteko zein joko arraroa den hau:

Game Erauntsia facebook


Iruzkinak (4)

Xabier Calvo Nov. 6, 2014, 10:07 p.m.

Zelda arraroenak Philips-CD-i-rako atera zituztenak izan ziren ;-P: http://i.imgur.com/LFYyPTI.jpg
Majora's mask ez da gehien gustatzen zaidan Zelda, hala ere itxura polita du.

Ander Intxaurrondo Nov. 7, 2014, 11:42 a.m.

Hauek zuretzat, jaja: https://www.youtube.com/watch?v=xLxqfmpjB-U , https://www.youtube.com/watch?v=eHcoOLMXono

Egoni Nov. 8, 2014, 11:42 p.m.

Gure eskariak izan du bere fruitua. Majora's Mask 3DSrako! Mila esker Nintendo! Gainera Aonumak esan duenaren arabera joko originaleko zailtasun bera mantenduko du. Irrikitan nago jokoa nire eskuetan edukitzeko. :D

Xabier Calvo Nov. 10, 2014, 11:07 p.m.

Angry Videogame Nerd oso ona da! Eta CD-i-ko Zelda-k kriston kakazarrak, jaja.
3DS-rako aterako denaren eta Nintendo 64-an atera zen Majora's Mask-en konparaketa bideo pare bat uzten dizkizuet:

http://youtu.be/VRdC9FG0qJ8

http://youtu.be/5VuSzeXI7Nk

Grafikoetan kalitate hobekuntza nabaria, normala ere horixe da...

Mesedez, sartu iruzkina utzi ahal izateko.

182
Kide

1
Jolasten

19
Online

Azken erantzunak

Iker Ibarguren May 22, 2020, 2:16 p.m.

Puuuuuuufffffa! zenbat gozatu (eta sufritu!!) nuen joko honekin.... Artikulu bikaina Lander!!
Lordraneko erreinutik galduta - Dark Souls gogora…

Lander Unzueta April 25, 2020, 2:21 p.m.

Ez dute preziorik aipatu, beraz ez dut uste doakoa izango denik jatorrizko jokoa free to play bezala kaleratu zuten arren...
Trackmania berria uztailaren 1ean argitaratuko du…